【ERROR成員】郭奕芯公開向193示愛 Ashina:好鍾意打扮乾淨好韓國style男仔

娛樂 13:28 2021/08/31

分享:

《晚吹 - 戀講嘢》

由ERROR成員郭嘉駿(193)、鄭伊琪(浩南)、譚凱倫(Helen)、郭奕芯(Ashina)主持的ViuTV節目《晚吹 - 戀講嘢》、以4位對愛情態度截然不同的男女主持,全方位以貼地﹅刻薄﹅保守﹅豪放的不同視覺,為現場嘉賓提供意見﹅排難解紛及拆開愛情枷鎖。

節目為嘉賓提供渠道去抒發表達自己的情感,並親身講述自己的感情問題。每集嘉賓需自備一件與自己事件相關的物品,於錄影當天的「戀擺嘢」環節交給主持放上架上,並會一直存放至尾集。

Ashina向193示愛

今晚(8 月31日)播出的《晚吹 - 戀講嘢》第2集邀請到兩位嘉賓大談感情煩惱,首位嘉賓Erica是個西裝控,特別鍾情西裝男。

193問3位女主持有否試過因為衣着打扮而喜歡一個男仔,Ashina竟突然示愛:「梗係有啦,我就好鍾意啲好乾淨,好韓國style,即係識襯衫,即係好似你咁。」立即惹來其他兩位女主持起哄,Helen取笑Ashina:「每6秒一個示愛。」 

嘉賓Erica分享一次同同事飲酒後,醉後接吻,戀上「就婚夫」,對方已有未婚妻的經過。

Ashina就表示同曖昧對象,飲酒後錫特別有feel:「我試過做主動,當時飲咗少少酒,加上同佢玩玩下,我同佢講,你睇吓,我個嘴有啲乾呀。其實我對個男仔有啲意思,大家都知道大家有啲意思,跟住佢話係咩,咁要試吓先知,跟住我就一嘢錫落去。」