【全民造星】ANSONBEAN首次歌迷聚會 為演戲上戲劇課承諾不令豆粉失望

娛樂 13:41 2021/08/31

分享:

ANSONBEAN舉行歌迷聚會。

最近工作量大增的「寰亞新人王」ANSONBEAN,雖然忙於拍戲和錄新歌,仍抽空舉行粉絲見面會,答謝由他參加比賽至今,一直支持自己的「豆粉」(ANSONBEAN粉絲稱號)。

為了今次聚會,ANSONBEAN碌盡人情咭,除請來《全民造星III》的老友方芷欣(方方)擔任主持,另外於上月現身ANSONBEAN新歌發布會,與他一起大跳勁舞的NY、Timo,亦前來為活動助興。

「其實今年情人節,我搞過一次網上嘅粉絲見面會,今次終於可以近距離見面,除咗要多謝『豆粉』幫手籌備成個活動,仲要多謝方方,佢係一口答應我做今次嘅主持,當然唔少得NY、Timo,上次新歌發布會,佢兩個同我一齊跳舞,但好多『豆粉』冇機會現場睇到,所以我哋今日跳多次俾大家睇。」

活動上,ANSONBEAN除載歌載舞,更與「豆粉」打成一片,NY和Timo也參與其中,一起玩估歌仔遊戲之外,還有ANSONBEAN的常識問答遊戲,有些問題,連當事人也不懂答,逗得現場的「豆粉」哭笑不得。

玩完遊戲,主持方方叫大家返回座位坐低,原來一班「豆粉」剪輯了一段視頻,送給ANSONBEAN,內容包括他參加《全民造星III》的精華片段,還有他第一次出席公開活動的照片。

片段去到尾聲,有幾位「豆粉」親自讀出寫給ANSONBEAN的信,內容除了道出何時喜歡他、還有多不勝數的鼓勵說話。

ANSONBEAN感動哽咽

當中一位女粉絲信中的內容,令在場人士也為之動容,她說:「多謝你呢一年,喺我每次唔開心,你突然會出ig post、story、或者上TG留voice massage,你令我即刻有番動力同開心番。」

睇完「豆粉」的視頻,平日跳跳紥的ANSONBEAN突然變得沉默,原來他一直強忍著眼淚哽咽說:「其實睇到中段有啲眼濕濕......諗番起比賽(造星)到而家,你哋每一個鼓勵,出event每一次大家都嚟支持,好感動,亦冇諗過我每一個ig post,可以令大家開心,可以互相影響,多謝你哋過去一年嘅支持、陪伴。」

為演戲做準備

之後,ANSONBEAN唱出新歌《CRUSH(oh no!)》答謝粉絲的支持,唱至中途,更與老友NY、Timo跳進波波池,將氣氛推到高潮。

活動完結後,怕醜的ANSONBEAN搞笑地指自己沒喊,只係流眼淚。

同時,他答應將來無論唱歌、拍戲、拍劇都會落足心機,不令「豆粉」失望:「其實嚟緊會拍電影,題材寫實得嚟又好奇怪,暫時唔可劇透,因為角色同我真實性格有好大反差,所以搵咗雞老師(邱頌偉)上acting class,同佢傾偈時令我更深入了解我個角色,佢仲教我點樣將平日嘅回憶、經驗套入角色,所以學到好多嘢。」ANSONBEAN說。

撰文 : TOPick柴犬出動