【職安真漢子】2地盤工人坐巴士被嫌臭 港女狂噴消毒噴霧迫調位︰好臭呀

親子 13:19 2021/09/07

分享:

2名地盤工人坐巴士,港女乘客嫌臭,大聲喝叫他們上上層。

大熱天時,莫講話在戶外工作,在外停留一陣子,已經滿身大汗。有2名職安真漢子放工後乘坐巴士,有臭汗味,同車乘客目睹隔離有2位港女嫌臭,動作多多,狂噴消毒噴霧,又撥手,最後更喝斥2名地盤工人,迫他們調至上層。

於3日(上周五),同場目擊者將此事在網上討論區「親子王國」分享,以「坐巴士上左(咗)兩個好臭既(嘅)男人,你會」為題發帖。發帖女網民有一次坐巴士,途中有兩名男士上車,並坐在她前面,出現一些尷尬事,他們身上發出臭汗味。

真係幾臭,明顯係地盤工人放工,不過啲冷氣都大,我短途,我都冇調位。

兩位港女嫌臭歧視工人

當時巴士下層隔離行有兩個女人,反而好大動作,更即刻拿出一支消毒噴霧噴了幾下,港女胡亂噴灑更令樓主吸入被嗆。

過一陣,其中一個女人都幾大聲:上去啦,好臭呀……特登用手撥下撥下一路話臭,似做俾人哋睇咁,唔知點解,覺得呢兩個女人真冇品。

職安真漢子默默調位

該港女聲浪很大,樓主及兩位地盤工人都聽到,2位職安真漢子沒有出聲反駁,只是聽後起身走上上層。

樓主明白臭味難頂,指出如果她是坐長途車都會調位,不過個心會不好意思,以及會靜雞雞調位,不想讓地盤工人難堪,直言做地盤真心辛苦,試過入地盤,只是站在那裡曬一陣已經想暈。她有感那2名巴士港女做法不妥,亦無權無禮地歧視他人。

覺得佢哋好唔尊重人嘅感覺,我都scan咗佢哋一陣,睇唔出佢哋有乜咁巴閉。

最新影片︰揀錯書包易令學童寒背 脊醫4招教你揀好書包

網民斥責港女沒家教

有關帖文引起一眾港媽網民討論,大部分指該2名港女沒有家教,斥責「直頭無品,人哋出汗有味好正常,大家都係俾咗車費,冇理由叫人走開」、「自己走開囉,可能佢有臭狐,前面個男人都頂唔順呢」等,有網民表示如在場會出聲鬧兩個女人,「知唔知人哋做地盤好辛苦,點臭都唔夠你兩個把口臭」。

另一方面,有網民提出多數做地盤或戶外工作的人,放工會換衫的。「做辛苦工大汗嘅人,真係要帶多件衫換好啲」、「放工時,係咪可以用濕毛巾抹下個身,換過件衫先?」,有港妻明白在乘車密閉空間宜保持個人衛生,會要求丈夫,「我同c6(死佬)講明,你收工要抺身換衫,唔係搭車會臭死人,佢又係大汗人嚟」。

更多網民留言

    點擊圖片放大
    +10
    +9

最新影片:前港將蘇俊華培育乒壇新力軍 蘇慧音女拔師妹陳劭藍成後起之秀

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳