【緊急呼籲】港女排球員劉韵琳抗癌6年 再確診急性血癌急尋合適骨髓移植保命

健康 11:26 2021/09/10

分享:

本港女子排球員劉韵琳確診患血癌,因病情突變,現急尋合適骨髓移植。

本港前甲組女子排球員劉韵琳抗癌6年,惟最近病情有變,近月確診急性骨髓性白血病(AML),但目前仍未找到合適的骨髓作移植手術。她昨日(9日)在IG發文講述病情,呼籲大家登記成為骨髓捐贈者,盼盡快找到合適的骨髓,打這一仗。

劉韵琳正在尋找合適的骨髓,現呼籲大家幫忙捐助。(IG:劉韵琳)

劉韵琳在IG表示:「最近我突然放低曬所有工作去打大佬,呢個大佬有啲棘手,好需要大家幫手打。」她自己在6年前已確診患上「慢性骨髓性白血病」(CML),俗稱「血癌」。這些年來韵琳每天需服用標靶藥控制病情,她說慶幸控制得好,能像正常人一樣生活。

惟今年7月尾,病情有變,她突然發燒,過去數次驗血均發現,白血球指數很低(1.0),為保安全而去看急症,結果確診患上急性骨髓性白血病(AML)。醫生表示,因基因突變,目前慢性骨髓性白血病(CML)及急性骨髓性白血病(AML)同時存在,需接受一連串治療。

    點擊圖片放大
    +4
    +3

她憶述:

發燒留院通常都走唔甩,但真係估唔到今次一留就留到依家都未出……喺醫院不停打抗生素、抽血、抽骨髓(呢啲都係細佬),最後確診AML『急性骨髓性白血病』。初頭我以為係慢性轉左急性,但原來慢性一直都控制得好好,依家係CML+AML同時出現,醫生解釋係多咗某幾組基因突變。

韵琳呼籲大家捐骨髓(IG:劉韵琳)

治療帶來不少副作用,每天在考驗意志力,期間曾有菌有血,現時只希望不會受感染,她說:

AML相對需要急切嘅治療,所以月中我就開始打化療,辛唔辛苦?只可以話一個星期瘦10磅不是夢~長期作嘔,要食嘢先嘔咗上一餐嘅先,真係感覺到個胃底要返出嚟先開心,但重點係根本食唔到嘢,飲嘅水都嘔曬出嚟,根本都唔敢食。第一輪化療7日完成咗,休息~第8、9日唔作嘔就開始精神,以為都唔係真係咁難頂。

第10日朝早發燒39.2度,然後一直燒左7、8日,中性白血球低到0咗,抽血檢查發現係有菌入血,即刻做咗個小手術將喉仔拆咗(喉仔用嚟打藥、輸血同抽血,減少日日畀針吉)。頭4日發燒真係好辛苦,全部都係39度以上,打冷震到我全身好攰但係完全停唔到唔震,一震就維持兩三個鐘,真係意志力嘅考驗!另外,依家只要少少流血都會好緊張,因為根本癒合唔到,隔兩日就輸一次血。今日(9日)先稍微好似有上升,中性白血球有0.3。現階段只求唔好感染。

    點擊圖片放大
    +3
    +2

為進一步治療,韵琳現急需尋找合適的骨髓進行移植,她在IG貼出捐贈方法,呼籲大家伸出援手,登記成為骨髓捐贈者。

我知道好突然,但阿琳真係好需要大家幫忙,想大家登記成為骨髓捐贈者,因為暫時都未搵到合適骨髓進行移植,所以醫生會嘗試喺骨髓庫搵。我知道機會唔大,但都希望大家願意試一試,請大家幫幫我或者其他有需要嘅人,感激不盡!

    點擊圖片放大
    +4
    +3

骨髓捐贈流程可參閱香港紅十字會輸血服務中心的資料:https://www5.ha.org.hk/rcbts/bm

同場加映:蘇慧音爸爸培育乒壇新力軍 女拔小師妹陳劭藍成後起之秀

如你有保健美顏減肥心得、抗病經歷想分享,或對都市病症存疑,立即向TOPick【投稿】,被刊登後更有機會獲得精選禮品!

TOPick登陸MeWe啦:https://mewe.com/p/topick

TOPfit 推出食物資料庫,搜羅本地多間餐廳及逾千款食物營養標籤,令您食得有營又健康,立即查看:bit.ly/2UJP4dx

訂閱TOPick Telegram,集合最新優惠及送禮情報:bit.ly/3bebLM2

責任編輯:羅嘉欣