【代溝關注組】肥媽大爆年青時有門禁 鄺潔楹曾遇有人攞住拐杖去夜蒲

娛樂 13:14 2021/09/10

分享:

分享:

昨晚(9月9日)播出的一集TVB清談節目《代溝關注組》,探討兩代夜蒲差異。「長輩群組」李家鼎(鼎爺)、Maria Cordero(肥媽)、李麗霞(黑妹姐),與「年青一代」的徐文浩、鄧伊婷、江嘉敏、鄺潔楹(Judy)、梁茵、黃婧靈(波波)討論。

肥媽有門禁

兩代的「夜蒲」時間與打扮也大有不同,當中的令人大開眼界。肥媽指自己後生時看晚上九時半電影是「Mission Impossible」,「我十點半前唔返屋企,我媽可以打跛我隻腳,所以如果要睇九點半,一定要求阿媽。以前交通冇咁方便,所以最多睇七點半,十點半之前一定要返到屋企,如果唔係佢真係唔開門。」

江嘉敏指講述的並非親身經歷,但其所說的正正反映了現代人夜蒲時鐘:「凌晨兩點先開始蒲!(全場嘩然)去到5、6點咯,起碼玩到食早餐先!」

鼎爺即指曾有後輩因顧住夜蒲忽略工作,並勞氣謂:「好多新一輩返到嚟劇本都唔知嘅,有監製叫過佢哋唔好蒲,話嗰場戲好緊要,但佢返到嚟都係未回魂咯!」

    點擊圖片放大
    +4
    +3

Judy分享「奇聞」

肥媽指以前去蒲的都是頂級藝人、音樂人及電影人,故此必須悉心打扮才獲准入夜場,「如果著得唔靚,你有幾多錢都唔畀你入。」

Judy大爆曾在夜場見到有人拿著拐杖,令她大感驚奇:「我問我朋友到底係有幾想蒲先會攞住拐杖?其實佢唔係好Un到,但佢個頭就喺度揈咯!」

最後,在「競猜」環節,長輩群組以當年的「去WET三件事」: 大笪地、公餘場、涼茶馬尾飛機頭,成功「秒殺」一眾後輩。

同場加映 ERROR訪問

撰文 : TOPick柴犬出動