【潮媽瘦身】DJ朱薰跟陳倩揚「低醣飲食法」飽住瘦 潮媽半年減24磅公開每日餐單

育兒經 14:36 2021/09/10

分享:

商台DJ朱薰半年勁減24磅,公開了每日減肥餐單。

減肥是女人的終身事業,一向臉圓圓的商台DJ朱薰,今年終於找到適合自己的減肥方法。朱薰近日的照片已明顯見到消瘦了不少,雙下巴消失,她昨日(9日)分享近半年的減肥心得及分享餐單,她透露是跟隨了靚媽陳倩揚的「低醣飲食法」減磅,更尊稱陳倩揚是她的「教主」!

剛度過42歲生日的朱薰在社交平台表示,半年前因為見到一位好友激減30磅,細問之下得悉她跟隨陳倩揚的「低醣飲食法」減肥成功,開始加入她開設的facebook群組了解資訊,她根據倩揚的減醣餐單再調整成自己的餐單,主要靠少食澱粉質和糖份,多吃蔬果、蛋白質等食物,再加大量飲水。

我喜歡呢個餐單夠人性化,唔係要捱餓、乜都唔食得嗰隻,每個星期有open day,想食乜嘢可以嗰日食(重點:放鬆但係不放縱),而每8個星期(稱之為一個cycle)又有兩星期open week,我覺得係比較friendly、唔算辛苦嘅!

    點擊圖片放大
    +3
    +2

朱薰今日再透露,於今年3月開拍ViuTV節目《中女唔易做》時開始減肥,她笑稱自己當時肥到「連頸都冇埋」,她猶如打工仔一樣要出街食飯,很多時會選肉類加菜、飯轉薯蓉等,鏡頭前還見到她隨身攜帶1L水樽。

因為食呢個餐單飲水真係好重要!促進新陳代謝、幫你排走啲衰嘢,唔補返多啲水點掂!我當時嘅體重要飲3L左右(體重kg X 40ml就係你要飲水嘅份量),所以要有返個1L水樽跟身,每日至少斟三次。

朱薰晒出5月初有成效時的照片,當時已減去15磅,「着咗條好耐冇着過嘅褲」。(facebook圖片)

她起初不敢奢望自己會有成效,故直至現在才敢分享餐單及貼全身相,「呢張係我今年五月尾影嘅相,剛剛完成減醣餐單第一個cycle,記得嗰日好開心,完成第一個cycle,減咗15磅,着咗條好耐冇着過嘅褲」。

最新影片︰簡易炮製肉醬千層麵【內附食譜】

她表示至今已大約減了24磅,「仲有啲上落咁,我覺得叫做對得住鄉親父老」。她更封陳倩揚做「教主」,感謝她無私分享餐單,還有工人姐姐負責烹調她的餐單。她勉勵各位減肥同路人︰

唔係話只係不斷追求個瘦字,而係要追求個人開心!我想大家都可以得到呢個開心。

點擊圖片即睇朱薰的減肥進程︰

    點擊圖片放大
    +12
    +11

朱薰低醣飲食餐單︰

    點擊圖片放大
    +6
    +5

最新影片︰蘇慧音爸爸培育乒壇新力軍 女拔小師妹陳劭藍成後起之秀

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰林綺玲