【舊日的足跡】魏駿傑自揭與滕麗名分手心路歷程 剖白離婚原因:我變得太離譜

娛樂 10:53 2021/09/11

分享:

魏駿傑近日接受港台第一台由車淑梅主持的《舊日的足跡》訪問,大談近年的人生低潮、婚姻與感情,以及講當年與滕麗名分手原因,更自爆曾企圖自殺。

現年53歲的魏駿傑入行已30年,在1998年參演《陀槍師姐》成名,並與同劇的滕麗名拍拖,可是在2007年分手。在2008年,他與較自己年輕20年的張利華結婚,二人育有一女,女兒今年10歲。可是,魏駿傑與張利華在去年離婚。

最新影片推介:經歷兩次傷患無阻游泳決心 男拔舊生一年三破香港紀錄

魏駿傑被女兒救一命

他在《舊日的足跡》直言去年是他難捱的一年:「 2020年係非常難過嘅一年,要去睇心理醫生,離婚、封關,有一年半時間係零收入。」

魏駿傑更打算做傻事:「我想過自殺,覺得好慘,個女救返我 ,因當時想起佢唔可以冇咗我,我將隻脚踏返落嚟。呢件事唔可以畀我個女知,喺佢面前日日都好開心,如果佢知會影響佢一世。」

對於離婚一事,魏駿傑指自己做足爸爸本份,卻不是滿分老公:「離婚冇講邊個啱邊個錯,其實我哋都開心過。離婚係因為人會變,我變得太離譜,淨係掛住湊女而忽略咗佢?就當係啦!大家好落台。」

    點擊圖片放大
    +4
    +3

魏駿傑直言自己不太懂營造浪漫:「我係個好悶嘅老公,係一個110分嘅爸爸、30分嘅老公。其實都有啲嘢做得唔錯,每年情人節都會整心形牛扒,旁邊圍住兩隻大龍蝦,又會送花,做足咁多年!但係,有啲事情察覺到可以解決,但有時察覺唔到,發覺時已經冇咗 ……。」

魏駿傑說打算公開招親,雙方可以共同生活,但未必會結婚,還指曾向女兒提及,沒料到她反應很大:「唔得㗎!你淨係可以愛我一個!」

魏駿傑談滕麗名

當年,魏駿傑與滕麗名在1998年於劇集《陀槍師姐》分別飾演程峰及陳三元,二人由劇中情侶發展成現實中的男女朋友,當時被視為金童玉女,可是二人最終分手收場。

他回憶當年情稱:「我北上發展,有30%係因為佢,70%係見到內地嘅發展。我哋拍拖9年冇結婚打算,我爸爸喪禮佢以未來媳婦嘅身份出席,我好感動。」

儘管如此,魏駿傑坦言彼此突然沒了愛情感覺:「但後來忽然間唔知點解大家冇咗感覺,就好似結咗婚90年……原來太投入劇中嘅情感戲會傷害到自己,我冇諗過真係結婚,我怕我分唔清係做戲定係真。」

魏駿傑感慨續稱:「人家會以為係藉口,我當然係真心愛佢,一定係,否則唔會(拍拖)8、9年,大家好期待我哋結成一對,但我成日都想做普通人,點解要做金童玉女?」

    點擊圖片放大
    +4
    +3

另外,後來滕麗名演藝事業發展漸漸比他好,亦令魏駿傑做成心理壓力:「佢好紅,一定紅過我,佢愈嚟愈紅,我就愈嚟愈避,所以我就 let go,唔好害咗佢……『喺現實生活中我唔知道點樣對人好』, 呢 一句(說話)概括咗我 16年嚟喺 TVB嘅經歷,所以我奉勸年 青 人,如果你嘅內心唔夠強大,唔好隨便入行。」

滕麗名在2013年與圈外人朱建崑結婚,現已成為幸福人妻,魏駿傑說:「(滕麗名 )其實都係受害者,現實生活中好懂得愛我,係我配唔起佢。而家佢成為朱太,我好開心我見到人家幸福我就開心。」

    點擊圖片放大
    +5
    +4

改脾氣人緣變好

《陀槍師姐2021》在今年初播出,魏駿傑並沒獲邀參演:「佢哋冇叫我,叫我都唔會去,因為只有滕麗名唔夠,一定要有歐陽震華、關詠荷,所以我唔認同佢 這劇集係《陀槍師姐》。有冇魏駿傑都冇所謂,不過就算搵我,我一定say no!」

魏駿傑自言,30幾歲之前不懂做人,後來開竅全因鍾景輝同張之珏兩位導師。他從未見過二人發脾氣,即使是人家理虧,他們也不會動怒,於是嘗試倣效他 們,結果成功做到,人緣變好了。

最新影片推介:ERROR專訪

他並透露,最近接獲不少北上的工作邀請,但實在不捨在港讀書的女兒。

至於早前把大屋賣掉,現時父女倆租住較小單位,但魏駿傑表示父女感覺更親近,並以此勉勵香港人:「一切都會有好轉,舊年運氣咁差都可以過到,所有香港人都可以過到,唔好放棄,未來只會愈嚟愈好!」

撰文 : TOPick柴犬出動