【幫緊你應援團X七救星】ViuTV綜藝節目贏口碑 魯庭暉親自分析箇中原因

娛樂 14:16 2021/09/11

分享:

ViuTV的《七救星》與《幫緊你應援團》口碑不俗。

近日ViuTV連續兩個綜藝節目都被讚內容感人獲網民大讚,當中七仙羽主持的《七救星》收視不斷上升,由首周3.8點收視升至4.2點,當中「七連閃電鞭」更成網上熱話。

七仙羽在《七救星》內行為騎呢,但卻又不乏感人之處,於是取得收視及口碑。而《七救星》已經播完,接棒是現正播出的《幫緊你應援團》,由MIRROR成員Lokman(楊樂文)、Tiger(邱傲然)及Alton(王智德)伙拍阿妹(岑樂怡)主持。

【幫緊你應援團】MIRROR隊長Lokman與岑樂怡齊出動 助玻璃骨女生達成願望見偶像Ian

    點擊圖片放大
    +4
    +3

《幫緊你應援團》口碑佳

《幫緊你應援團》主持要接受各樣的委託,為委託人完成夢想送出驚喜。節目已分別為單親媽媽、視障咖啡師博輝、患先天性成骨不全症(玻璃骨)的女生送暖,達成願望,被觀眾讚內容令人感動。

ViuTV董事兼總經理魯庭暉在個人社交平台上載前晚《幫緊你應援團》關於「玻璃骨」女生的節目截圖,並分享ViuTV同事的特質。

最新影片推介:邪惡芝士拉絲控必學 簡易炮製肉醬千層麵

尋找ViuTV員工特質

首先,魯庭暉寫與ViuTV製作部副總裁金廣誠一同會客的一件小趣事,以說明外間對ViuTV同事平均年齡低的睇法實屬誤解:

ViuTV嘅同事,有無咩最大共同特質?

有人話係年輕。傻啦,我地10幾歲到60幾都有,有一次,呀金生同我去見人,前輩黎嘅,金生識咗好多年,我第一次見。金生介紹我:呢位係我老細。可能因為果度環境有d嘈,前輩聽唔清楚,反問:呢個係你個細仔?

金生尷尬到一個點,因為計一計,佢堅生得我出。係呀,佢同好多同事都唔年輕架(咁佢地又係young at heart 嘅)不過年齡,應該唔係最大共同特質囉。

然後他亦自承ViuTV也有製作很多不如理想的節目:

咁係咪創意?一時時啦,我office有個list, 叫「到底我當時諗緊d乜」。陳列出一眾我當時approve咗,但做咗出黎之後我睇完想燒片嘅節目。咁無嘅,係咁架啦,要得創意之果,必經創作之痛啩。

    點擊圖片放大
    +4
    +3

揭成功背後原因

最後,提出他認為ViuTV員工的最大特質:

早幾個禮拜,有一個會,我同幾個唔同部門嘅同事傾d野,悶悶地吹下水講七救星之前個集…
同事A:喂呀Pixel果集好感動呀,點呀佢地幾時出歌架。
同事B:喂係啦,不如咁咁咁,跟住咁咁咁,我個部門就可以咁咁咁配合。
同事C:咦,咁我呢邊可以咁咁咁wor, 駛唔駛我一陣打俾呀邊個問下會唔會咁咁咁呀?
下刪10分鐘離題對話…

我睇住佢地講,我諗咗一下。其實單野唔係好關佢地事,佢地唔係用果隻旁觀心態講緊其他部門壞話,佢地係覺得節目做得好,上咗心,戥件事心急,想盡力諗方法再幫一下件事,唔想浪費一個幫到人嘅timing.

咁嘅,或者我地有d野好睇,有d野好難睇。有時做得ok. 有時做得好差。不過,呢班人,個底,應該好心地。

最新影片推介:ERROR專訪

撰文 : TOPick柴犬出動