張敬軒靠遮遮熱麵包護眼 軒仔分享3招保持明亮眼神

娛樂 15:50 2021/09/12

分享:

軒仔在廣告騷琴技。

張敬軒日前眼藥水拍攝廣告, 一向眼仔精靈的軒仔除了展示水汪汪的大眼睛,更大展琴技,看得網民和fans隔住mon興奮大叫,紛紛留言:「個琴好靚,彈琴嘅張敬軒仲靚」、「係鋼琴王子呀」、「電暈咗」、「你對眼咁靚,真係啱呢啲」。

拍攝眼藥水廣告,眼部close up是指定鏡頭,問到軒仔拍攝前的準備功夫,他笑說:「當日特登叫『遮遮』烘熱麵包,然後我『哄』對眼喺在包前面,等蒸氣去蒸一蒸對眼,蒸對麵包眼出來,那就十分bling bling。」

至於平時的眼睛護理,軒仔就話有三招,「第一招是盡量不睇污糟嘢,譬如盡量不睇自己的自拍;第二就是盡量少捽眼,因為有鼻敏感的人都鍾意捽眼,我都會提醒自己不要捽眼;最後就係要滴眼藥水,看東西清楚,睇看都清楚些。」

撰文 : TOPick柴犬出動