【林鍾一戰】鍾培生今日過磅戰意大勇 林作自信首回合可分勝負

娛樂 12:34 2021/09/17

分享:

林作鍾培生今日賽前過磅。

林作鍾培生「林鍾一戰」將於明日9月18日舉行,賽事分六組進行 ,包括《造美人》Kathy對「口罩小姐」Ollie、吳景聰對李鑑任、潘啟情對姚達輝、錢師傑對李耀東、張致恆對大J,以及壓軸林作對鍾培生。今日眾人現身齊做賽前過磅,戰意大勇的鍾培生跟林作再度火花四濺。

林作和鍾培生二人「過磅」,可見鍾培生身型很fit,賽前磅數為64.8kg;相反因為今次賽規上,林作沒磅數限制,因此他現時約72.3kg。林作身型雖比前已見結實,不過就嫌肌肉感不夠。

【林鍾一戰】鍾培生賽前再加碼100萬元挑機 林作出海:今日心情輕鬆非常好

    點擊圖片放大
    +5
    +4

鍾培生戰意高昂

被問到賽前有何感受,林作表示十分輕鬆,自言一向是大賽型選手,一出世就已經準備好,認為「淡淡定定有錢剩」,更十分有信心於第一回合已經有分曉。

狀態大勇的鍾培生,在拍大合照時突然咆哮,戰意甚濃。事後接受傳媒訪問時表示聽到台下有人提議他咆哮,於是便在台上試一下。他透露已經數日沒有操練,現時心情好澎湃想要釋放:「要忍住聽日爆佢。」

Derek感謝傳媒關注賽事,感恩今日參與的拳手,感謝每一位幕後、幕前工作人員,希望明日可呈現世界級、國際水平的賽事,「香港人可以做到一個國際性水平的賽事,所有觀眾都會一齊贏。」

【Mean Talk】鍾培生自認好腰好腎好情人 林作稱母親與裕美關係差

最新影片推介:半島酒店大廚教揀奶黃月餅 公開鬆軟油潤月餅黃金比例選料貼士

在昨日(16日)鍾培生在Facebook出帖文「加碼」:「林作早晨,有冇興趣加碼如果我K.O.左你扣30萬出場費,如果K.O.唔到俾多1,000,000你。」

林作當時在遊船河,並進行網上直播表示接受挑戰。及後林作又在社交網站發文:「好呀就接受你加碼,不過100萬我唔要啦,如果你knock out 唔到我,即刻同我教練李俊亨打返場,橫掂你都講過可以knock out哂全部人。」

今日在「過磅」現場,問及「加碼」一事,鍾培生直言:「我在Facebook講咗,以為佢願意扣30萬。然後啱啱聽到佢話唔合理,點都要收100萬,佢話要改咗要我同個教練打,Whatever。如果我出個Post可以慳30萬,why not?」

問到是否「加碼」方面未有共識再變回原本的條件,鍾培生表示:「唔知,因為佢今日出左個Post話接受,但而家又話唔接受。唔傾嫁喇,佢無口齒,我已經答晒但原來唔係。無論有定無我都會KO佢。」問到是否已經準備好慶祝活動,鍾培生表示:「應該會先飲汽水、飲酒同瞓覺。」

林作獲女友撐場

裕美現身支持男友林作,林作要求裕美為自己送上支持說話,裕美:「加油,畀心機,贏到一百萬返嚟,分返畀我」林作指努力是由自己爭取,直言二人「講情唔講金,情比金堅就一定」。

(攝影:黃建輝)

林作未接受鍾培生加碼挑戰

問到與鍾培生的「加碼」一事,林作直言:「佢公開提出改變條款,我都公開反邀請。我提議佢俾多我個100萬唔要,如果你真係打我唔低的話,要同我個教練團之一Herny(李俊亨)打返場,因為佢幾個月之前挑戰過我教練,我覺得呢個恩怨要了結佢囉。」

林作續稱:「我就唔貪心嘅,你俾100萬我得喇,200萬我唔駛,但佢(鍾培生)就無接受到,佢只當我接受原本邀約,我唔瞓低就俾多100萬我。所以其實在我睇來係無達成協議,都係原本嘅合約。」

講到昨日林作表現輕鬆,仍與友人出海遊船河:「(心情)準備好好耐,想出海就出海,想拍拖就拍拖。(慶功準備?)如果無乜特別驚喜,又唔使話好大慶祝,我對呢個比賽會發生乜嘢事都諗得好周全,小小慶功一定會做,但唔覺得個結果會好大意外,所以唔會大肆慶祝。(諗好一定贏?)實掂呀,贏硬呀,完全知自己每個回會要做乜嘢,分分鐘一個回合就收工。」

大賽即將在明日舉行,問到林作今晚在賽前的最後準備,他表示:「睇緊今晚電影場次,想放鬆下睇下戲。」林作表示賽後最想就是觀眾和粉絲跟他買保險,他向裕美謂:「我搵到盤滿缽滿你就唔使撈喇,呢幾個月佢照顧得我好無微不至。」

    點擊圖片放大
    +8
    +7

Steven對大J有信心

至於張致恆講當日決定參選原因稱:「當日鍾生邀請我時,覺得好似幾好玩,況且以前我都玩過毅行者、三項鐵人,而且有可觀的出場費,當是一項工作,當然參加。起初的確抱玩的心態,但經過5個月的訓練深深體會投入去做一件事會感動自己,我會盡力打到最好,不會『揸流攤』。」

張致恆透露,當日答應參加掌賽時,體重98kg,現時減至73.5kg。所以對於之前大J指他未成功減磅一事,他表示:「我從來沒要求任何人遷就(磅數),總之我做好自己。」

兩女大戰

賽事中第二隊上場,亦是全場唯一一隊女子對壘,是來自「口罩小姐」的Kathy,與《造美人》Ollie的對戰,Ollie上磅數字是47.4KG,而Kathy的數字則是44.8KG。

Kathy(左)和Ollie。(黃建輝攝)

較為重磅的Ollie笑言擔心Kathy於台上的表現:「知佢好努力操,但我都重拳過佢。」對於在台上有機會被打到臉容,Kathy則謂:「唔緊要,整到咪再補返囉,我《造美人》嚟架嘛。」

同屬新手的二人為了比賽操練了三個月,事前已經互相認識,但不會因而留手。問到吸引她們參賽的原因,Kathy直言:「難得嘅曝光機會同獎金。」Ollie則爆料:「因為佢無錢交租。我比較cheap,因為見有得學拳擊,而且曝光率好難得。我本來係後補,對我嚟講係個更難得嘅機會,會更加珍惜。」

記者:陳心怡

同場加映:梁朝偉訪問