【中秋團圓】熊黛林+陳嘉寶親子佈置賀中秋 ANSONBEAN積極keep fit戒食月餅

娛樂 12:36 2021/09/20

分享:

(發相)

一年一度的中秋節即將來到,Cool Style旗下一班藝人熊黛林(Lynn)、陳嘉寶(Anjaylia)、陳毅燊(ANSONBEAN)與劉沛蘅(Hillary)等,齊心送上祝福,祝願大家平安團圓,中秋佳節愉快!

熊黛林親子佈置團團圓圓

Lynn非常重視中國最傳統的節日中秋節,今年Lynn與兩位寶貝女兒Kaylor與Lyvia一同花心思在家中佈置,製作小燈籠、貼貼紙,共度親子時光。

她表示:「今年中秋節真係好難忘,之前BB仲細,未明白中秋節嘅意思,佢哋已經開始慢慢長大,已經明白乜嘢係中秋節,我都有同佢哋講月亮上面有個姐姐叫嫦娥,入面仲有隻兔仔,佢哋好開心。今年仲可以同佢哋一齊佈置吓屋企,當係一個親子活動,同時都會教佢哋中秋節嘅傳統習俗,今年同佢哋過一個開開心心嘅中秋。」

【明星扮靚】索媽熊黛林教纖體秘訣 3個簡易動作練成蜜桃臀+馬甲線+A4腰

(發相)

Lynn已為人妻,又要照顧兩個寶貝女,同時亦要保持適量的工作。

本來她今年要到內地工作,笑言幸好工作的檔期有所延遲,令她可以與家人在港共度佳節:「今年好好彩可以留喺香港過中秋節,我哋係比較傳統嘅家庭,所以每逢過節都會一家人齊齊整整咁食一餐飯,今年更加唔例外,會同BB嘅嫲嫲、爸爸媽媽、姑媽一齊大家庭咁過節。」

【暖心姑丈】林文龍教熊黛林孖女讀書 Lynn曾報「幼稚園哈佛」獲郭可盈傳授教女法

(發相)

Anjaylia老式燈籠店尋回憶

將於年底生B的Anjaylia今年中秋節一如既往,與家人熱鬧共度,她更專誠走訪老式的燈籠店尋找兒時回憶。

Anjaylia說:「中秋節傳統會同屋企人一齊食飯,食完飯後最開心嘅都係食。媽咪會整芋頭仔、買碌柚、唔同款式嘅月餅,鋪到全枱面都係,大人會一齊開心一邊食一邊傾偈,小朋友就玩燈籠。我最難忘係細個有一個用玻璃紙做宮廷款式嘅燈籠,大個咗想搵返嗰款燈籠嘅時候,已搵唔返。因囡囡已識得玩燈籠,所以今年特登去返傳統嘅舖頭問吓有冇呢款燈,可惜師傅話冇做嘞,最後揀咗小金魚燈籠畀囡囡。」

Anjaylia笑言,有跟兩女一同製作DIY燈籠,可惜未到中秋節,燈籠已被「解體」,十分搞笑!

【娛圈新女團】 賴慰玲+蔡思貝等組姊妹團SÏXTERS 陳嘉寶+何雁詩感慨:行過高山低谷【多圖】

(發相)

同場加映:麥美恩專訪

ANSONBEAN親挑小禮物獻心思

今年剛出道的ANSONBEAN年紀雖輕,但也會跟足中秋節一家食晚飯團圓的習俗。

他說:「每年中秋節一定同屋企人食飯,往年都好少專登約朋友出去玩,但係中秋節係好開心,因為第二日有假放。今年嘅中秋都會幾難忘,因為之後嘅工作需要,要好好keep fit,所以乜都唔食得。其實以前婆婆會將食剩嘅月餅畀我當早餐食,所以中秋後一段時間都會繼續食月餅,真係好難忘。」

【全民造星III】重本製作首支跳舞單曲MV ANSONBEAN努力健身:一星期操六日

(發相)

ANSONBEAN感恩出道以來一直獲得大家的愛戴,趁着中秋佳節, ANSONBEAN精心準備了一些心意禮物,答謝幫助過他的人,他說:「因為今年第一年出道,都好想多謝一啲幫助過我嘅朋友,所以就準備咗一啲小禮物,希望大家中秋節快樂!」

【全民造星】為事業放棄赴英國升學 ANSONBEAN備戰處男單曲狂操蝴蝶背肌

(發相)

劉沛蘅破戒食芋仔、月餅應節

Hillary於每年的中秋節也重視與家人相聚的時間,一家人吃飯團圓,還必定會吃月餅與芋仔應節,正在減肥的Hillary預告必定要破戒,她笑說:「我每年都一定會同屋企人食飯,就算有工作都希望盡量遷就,而家雖然減緊肥,但係我都要食月餅同芋仔,因為呢個係習俗,最多我之後幾日唔食嘢啦,哈哈。」

    點擊圖片放大
    +6
    +5

撰文 : TOPick柴犬出動