【倔強】谷婭溦新歌求新突破 馬敬恆稱黎明不愧金句王

娛樂 12:37 2021/09/22

分享:

谷婭溦與馬敬恆(左)齊接受許文軒訪問。

日前谷婭溦及監製T-Ma馬敬恆作客TVB娛樂新聞台節目《StarTalk》,接受主播許文軒(Edmond)專訪,大談推出新歌《倔強》感受。

谷婭溦介入今次新歌說:「今次一改Hip Hop曲風,特登搵T-Ma做監製,我哋係經朋友介紹,一早聽過佢嘅大名,但未見過佢,最好笑唔知佢原來咁後生,同我哋差唔多年紀!」

最新影片推介:麥美恩專訪

谷婭溦馬敬恆有默契

至於T-Ma則笑言沒想過谷婭溦會邀自己合作:「之前對溦溦嘅印象,都係唱慢歌,睇佢啲MV喊得好淒涼,冇諗過佢想造Hip Hop同Rap,做一啲有態度嘅歌。」

溦溦直言這次錄音過程跟以往大不同:「以前都係喺公司嘅錄音室錄音,但今次喺T-Ma嘅Home Studio錄,感覺好放鬆,錄到攰仲可以喺梳化瞓一陣。同T-Ma合作,發覺佢講嘅嘢同我想要嘅嘢好Match,所以好有默契,好快就錄好,依家已經開始諗緊合作做另外一首歌。」

黎明多金句

同時,談到T-Ma作為監製,與不同歌手合作趣事時說:「馮允謙冇嘢做都會走上嚟寫歌同食嘢,佢錄錄下音見肚餓就會叫外賣,又好鍾意問我屋企有咩嘢食。」

另外,T-Ma指Leon黎明就真的有好多金句:「佢用好多抽象嘅例子去形容我嘅音樂,佢話呢段好似遊船河咁,而另一段就好似一個發光嘅波碌落去蘭桂坊咁,有時我介乎Get到同唔Get到之間,但我覺得佢講嘅嘢好Make Sense,好開心見到佢平時諗嘢同工作嘅方式。」

撰文 : TOPick柴犬出動