【拉闊音樂會】Jer帶病上陣姜濤跳唱《前傳》 Tyson騷肌林家謙罕晒舞功

娛樂 10:31 2021/09/28

分享:

林家謙、Tyson Yoshi(程浚彥)、姜濤和柳應廷(Jer)首度同台開騷。

商台主辦《拉闊音樂會風火雷電》在昨晚(27號)於亞博開騷,是次演出齊集姜濤、柳應廷(Jer)、林家謙、程浚彥(Tyson Yoshi)同台演出,並以「風火雷電」為主題,為拉闊音樂會譜出新章。

完騷後,林家謙、Tyson、姜濤和Jer一同接受TOPick訪問,分享四人首度合作的感受。

最新影片推介:Lokman+AK專訪

【拉闊音樂會】姜濤爆被林家謙奪第一次 柳應廷以歌獻給迷失的人

開場前,粉絲排隊跟氣球及花牌合照。

不少嘉賓進場欣賞是次演唱會,多位MIRROR成員齊齊於熄燈後入場欣賞隊友演出。

    點擊圖片放大
    +16
    +15

【拉闊音樂會】柳應廷開騷前突氣管敏感 姜濤貼花絮照自言極緊張

一起欣賞音樂會的精彩時刻:

    點擊圖片放大
    +37
    +36

姜濤否認落淚

林家謙、Tyson、姜濤和Jer於完騷後齊集後台合照,並接受傳媒訪問。

姜濤在今晚首度演繹新歌《Dear My Friend,》疑感觸落淚,不過他解釋只是在跳舞後流汗。

至於Jer在開騷前,他表示表現未受太大影響,但自評演出只70分:「當然仲有進步空間,但係花姐都有話,喺氣管敏感嘅情況之下,今日都覺得ok。」

    點擊圖片放大
    +5
    +4

家謙激罕跳唱

在演出除衫騷肌的Tyson笑言:「本來係排好咗邊個位,但係個rundown又畀人改咗,勁尷尬囉。於是就決定喺嗰個位除,唔係,係喺嗰個位唔小心跌咗件衫。」姜濤更即取笑說:「下次小心啲。」

而文靜的林家謙在《拉闊音樂會風火雷電》激罕跳唱,令觀眾驚喜,但家謙坦言其實感到很害怕,事前不停苦練。姜濤稱:「其實我喺綵排嘅時候都睇過一次,完全冇評價,因為淨係佢跳舞呢一件事就已經好爆。」

(柯雅珺 攝)

Tyson演出有遺憾

可是Tyson稱是次演出有小遺憾,就是因時間不足未能與Jer合唱:「其實如果有時間我會改埋Jer首歌,另外兩位嘅歌我都有改到少少,出到嚟嘅效果我好滿意,加埋大樂隊一齊真係好好玩,但係時間真係唔夠。」

Jer即回應:「我好唔開心,淨係同佢哋合唱。」Tyson即指回家後會馬上嘗試改編:「本來係想改《水刑物語》,但係我哋嘅方向未捉得啱,本來就會係向一個偏靜啲嘅方向,但係我寫唔到一啲偏快嘅rap,再改嘅時候就發現冇時間。」

同場加映:《拉闊音樂會》台上演出

Jer約打邊爐

另外在改編《特倫斯夢遊仙境》後,Tyson指林家謙可改名「林風」:「嗰首歌一開始我係大嗌『Yo Breeze』,然後我手機都將佢個名改做『林風』。」

最後,Jer稱大家為是次演出修身,所以完騷後要大吃一頓:「大家都為演唱會餓咗好耐,瘦到塊面都凹晒,我自己都未打邊爐啦,想約埋大家一齊打。」

同場加映:《拉闊音樂會》後台訪問

記者:梁樂欣