【聲夢傳奇】炎明熹收《青春本我》超緊張 姑丈為16歲Gigi出道感忐忑:冇諗過咁快

娛樂 13:48 2021/10/02

分享:

炎明熹與姑接受Do姐訪問。

《聲夢傳奇》三料冠軍炎明熹(Gigi)推出個人首支單曲《真話的清高》,近日四出宣傳,昨日(10月1日)在到商台接受《口水多浪花》主持鄭裕玲(Do姐)的訪問,炎明熹的姑丈亦難得一同受訪。

炎明熹稱雖然從小都會唱歌,但當時不察覺自己喜歡音樂。反而原來是因為炎明熹姑丈隨老師學唱歌,而他覺得Gigi有潛質,於是安排Gigi也隨老師學藝,結果激發出Gigi的潛質。

為了令Gigi進步,姑丈幫她報名參加各大小歌唱比賽,以取經驗,改善歌藝。結果因為參加《聲夢傳奇》成為三料冠軍,由此正式入行當上歌手。

【魷魚遊戲X聲夢傳奇】被指激似李政宰+AI公仔 譚俊彥與炎明熹神還原「一二三木頭人」場面

    點擊圖片放大
    +6
    +5

姑丈炎明熹心情忐忑

不過Gigi只16歲並且同時仍在求學階段,所以現時已退休的姑丈負責隨Gigi工作以便照顧及監護。

對於Gigi出道當歌手,姑丈十分坦白稱:「我哋都冇諗過咁快,始終佢都仲係細,要讀完書先,點知有呢個機會出現咗,變咗而家係另一個階段,所以會喺佢身邊幫吓,到佢18歲就交番俾佢自己。」

因為Gigi自稱從未拍過拖,所以Do姐直接問Gigi如何投入感情去演繹歌曲。Gigi回答以前看歌詞就只是看,卻很易忽略深層意思,今次有監製解釋便懂得更多,並說:「我好鍾意幻想,得閒會幻想一啲悲慘嘅嘢,又會靠吓啲導師同老師幫吓手。」

Do姐問她自評今次唱《真話的清高》值幾多分,Gigi謙稱:「5分,10分滿分。」同時她表示不忘要以學業為重:「現在比較重要係返學,好彩唱歌對學業影響唔大,與同學之間嘅相處亦都冇乜大問題,佢哋都好支持我。」

最新影片推介:Lokman+AK專訪

Gigi拍劇緊張

稍後Gigi將與聲夢一眾學員參演電視劇《青春本我》,她表示已收到劇本,但坦言首次拍劇感不安:「超級緊張,又有少少尷尬,尤其係要望住對方交戲!不過我都覺得拍戲都有好處,尤其作為表演者,係一個儲經驗嘅方法。」

但Do姐指拍劇的確有點辛苦,要有定心理準備,Gigi反問:「嘟姐你有乜嘢Tips畀我?」嘟姐笑說:「叫定姑丈幫妳煮嘢食。」 Gigi笑說:「佢只係識用水煮熟雞胸肉同西蘭花!」

    點擊圖片放大
    +10
    +9

Gigi考起Do姐

不過Gigi稱從不揀飲擇食,但不時爆「冷笑話」的Gigi卻稱沒有特別喜愛的食物,甚麼也會吃,除非是不能食得的食物。Do姐好奇問是甚麼?Gigi稱:「米田共」,令一向轉數快的Do姐也一時無言以對。

然後Do姐只好笑說Gigi適合做這行,因為工作時的飲食安排都不太理想。Gigi說自己平時沒有特別喜好,亦不會貪靚買衫。

撰文 : TOPick柴犬出動