【疫下困境】機師丈夫購$1800萬村屋後被裁 打3份工難養家恐被收樓面臨崩潰

親子 14:03 2021/10/06

分享:

機師丈夫購$1800萬村屋後被裁,現時日打3份工仍然難養家供樓。

疫情下經濟大受影響,航空業首當其衝,至今仍未見大起色!日前有網民分享其友人一家的苦況,任職飛機師的丈夫被裁員,失去房屋津貼,而多年前購入$1800萬3層村屋,供樓成問題,亦放不到租或賣出,現時丈夫馬死落地行打3份工仍難以養家,憂心無力供樓被收樓,一家陷入困境。

機師失業難養家供樓

一名女網民於9月29日(上周三)在網上討論區「親子王國」,以「失業俾唔到樓按」為題發帖,分享女友人一家的狀況,她想代為了解如果失業無錢支付樓按,銀行一般會何時啟動收樓機制等資料。原因是她一名好姊妹的丈夫之前任職航空業機師,已失業一段時間,之後找到工作,可是仍不夠養家及供樓。

佢老公依家一份正職搵到大概萬尾。另外兩份兼職,一份係幫人夜晚搬下貨,唔做得夜因為第二朝要返正職,另一份兼職係freelance幫人網上執圖,佢唔係專業,所以又收得唔算多,都係啲朋友關照俾啲job佢咁。

老婆照顧SEN孩子不可工作

老公現時月入大約2萬元,「搵到萬尾到兩萬三左右」,扣除養老開支和屋企使費所剩無幾。加上,夫婦育有一孩,沒有外傭,不能靠長老照顧孫兒,老婆主力照顧孩子,暫時不可工作。

之前儲錢都唔係話儲到好多,依家失業半年有多,開始要動用到儲備,就知道真係大難臨頭……老公就嚟情緒崩潰,佢都唔夠膽追問,只知道個煲就嚟爆。

最新影片︰喇沙書院舊生組教練團  培育師弟做學界劍擊精英

$1800萬3層村屋難租出

供樓方面是一大困擾。友人丈夫在約5年前購入$1800萬3層村屋,位置偏遠,屬於大西北新款貴價村屋。樓主表示友人丈夫之前的工作房屋津貼多,當時他未有預計會失業,而網民即指出據悉飛機師可多達5萬至7萬元房屋津貼。

他們有計劃租出村屋,一家另租細單位住,可是放租半年未有消息。主因是3層村屋難以出租,可是他們不打算拆出單層分租。他們所購的村屋屋苑只有8間屋,近期買賣成交都是零動靜,似乎不太吸引買家及租戶。

3層好難租出,食都成問題,無可能攞到幾十萬出嚟重新裝修分層、重新鋪過晒3層水電錶。租金已經開比市價低少少,但係太低又怕人租嚟做犯法嘢。賣盤租盤都有人嚟睇過下,不過無下文。

家家有本難念的經,另一問題是夫婦育有將近2歲的SEN孩子,小朋友神經很易觸動到發很大脾氣,媽媽憂慮如每日返工,很擔心孩子會出事。「我朋友都想做嘢,奈何BB性格情緒有問題。試過俾人照顧出事。」

最新影片︰辦公室OL手袋易超重孭到高低膊 骨醫教你謹慎挑選袋款擺脫背痛

網民鼓勵日子總會過

友人一家在困局,網民紛紛留言給予意見,例如建議聘請外傭、嘗試找長老幫手, 「馬死落地行,日子會過,再唔係賣樓,可頂多一陣」,更多意見如下︰

    點擊圖片放大
    +7
    +6

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳