【慳家同事】同事午飯不合群回家食飯 背後原因為了家人展孝心

親子 17:24 2021/10/06

分享:

同事午飯突然不合群回家食飯,原來是為了買禮物給家人而慳錢。

不少打工仔趁午膳外出食飯抖抖氣,但食餐飯每次數十元起跳,甚至近百元,小數怕長計,有人選擇帶飯慳錢。有網民分享其同事近日突然不跟同事午膳,選擇回家食飯,原來是為了家人而慳錢。

有網民於9月28日(上周二)在「香港討論區」分享了職場見聞,帖文以「同事呢排唔同我地一齊食飯,急急腳咁走」為標題,有一名同事本來跟大家外出食午飯,一星期外出一次放輕鬆及聊天,近日他突然改變習慣,起初以為他變得不合群或約了別人。

平時我哋都會有一日係一齊出去食晏放鬆下,個同事連一齊出去食都唔去,夠鐘就走,我哋開頭以為佢約咗人食飯。

趕回家食午飯

該同事現時每逢食飯時間就很快離開,原來是由於他家在公司附近,他回家食午飯。另一同事問他何以每日刻意回家食午飯再回公司,放飯時間有限,回家很趕急頻撲。他解釋原因是為了家人,

個同事話因為要儲定錢買生日連埋聖誕禮物俾阿爸,佢阿爸睇中咗隻錶,佢想到時可以買到做禮物。

加上同事母親每日下午都會煮飯給家姐的兒子,所以母親順便煮多些份量給他,他就選擇回家吃午餐慳飯錢。

開頭以為係個同事純粹為咗慳錢,先堅持每日都返屋企食飯,點知原來佢每日咁樣做,只係為咗想儲多啲錢買禮物俾屋企人。

最新影片:喇沙書院舊生組教練團  培育師弟做學界劍擊精英

為買禮物贈爸爸省錢

雖然不知道同事父親想買的錶價值多少,但估計省下來的午飯錢可「多除少補」,慳得一蚊得一蚊。除了省飯錢之外,該同事每天返工都是步行,年中節省了不少交通費及乘車塞車時間。

有些網民指有關帖文無聊,職場的八卦小事一則,有些網民則表示由此小事足見該慳家同事用心與孝順,更大讚「孝感動天」,肯買生日禮物予父親是相當用心。更多網民留言見下圖︰

    點擊圖片放大
    +8
    +7

最新影片︰辦公室OL手袋易超重孭到高低膊 骨醫教你謹慎挑選袋款擺脫背痛

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳