【MIRROR教材】姜濤五官填充題睇「教主」學Body 港媽自製MIRROR小一英文工作紙

中小學 13:06 2021/10/08

分享:

KOL和牛媽媽為激勵女兒學習自製了MIRROR英文工作紙,大受港媽們歡迎!

男團MIRROR今年人氣爆燈,歌影視都見到12子的蹤影,更成為廣告商寵兒。MIRROR的魅力還攻陷港媽的心,多個媽媽Group昨瘋傳一份以MIRROR為題的小一英文工作紙,當中最吸睛是以姜濤大頭靚相及盧瀚霆(Anson Lo)全身相做的身體部位填充題,睇到一眾港媽心心眼。

這份別出心裁的小一英文工作紙,原來出自facebook專頁「和牛b的成長日記」的和牛媽媽手筆,育有2孩的和牛媽媽接受TOPick訪問時表示,自己和6歲大女都是鏡粉,囡囡是「小神徒」最愛教主Anson Lo、之後是姜濤和呂爵安(Edan);媽媽則是「團粉」,Anson Lo、姜濤、Edan、陳卓賢(Ian)及隊長楊樂文(Lokman)等人都喜歡。

    點擊圖片放大
    +4
    +3

和牛媽媽表示,女兒升小一後雖然已適應學校生活,但她陪伴女兒學習時發現,其學習進度未如理想,尤其是英文科,「總係提唔起勁、唔入腦、唔想學習,特別係英文,佢真係比較弱,所以,我唯有諗個辦法令佢投入少少啦。」

她有見女兒最近經常唱教主新歌《Megahit》的洗腦歌詞「Oh uh Oh uh Oh uh」,所以靈機一觸將教主、姜濤和Edan加入英文教材。

女兒做得好投入!(受訪者提供相片)

她表示工作紙製作了約4小時,第一頁是關於Pronouns(代名詞)、第二頁用Anson Lo全身相填充身體部位,第三頁用姜濤大特寫填充五官英文,最後交由Edan負責情景對話題。「我本身想用CK嗰張相,滿足我自己,但太噴血了!」對於被港媽們大讚製作精美,和牛媽媽謙稱是本身人物夠靚仔而已!

和牛b一見到呢幾頁工作紙就笑到甜絲絲,我都係第一次見佢見到工作紙咁開心!

「前夫」網民求分享

和牛媽媽希望女兒可以堅持學習有進步,起碼不要抗拒讀書,連老公也無奈道,「唉,佢都係要行呢一著㗎啦⋯⋯」不少港媽網民留言感謝和牛媽媽的製作,希望她會繼續推出系列,但和牛媽媽暫未有計劃再製作,「因為都係睇阿女情況。」點擊圖片即睇網民意見︰

    點擊圖片放大
    +8
    +7

最新影片︰

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

記者︰林綺玲