【演鬥聽x聲夢傳奇】文凱婷等聲夢學員齊獻聲 王梓軒澄清從沒惡意質疑Aeren

娛樂 13:05 2021/10/08

分享:

聲夢學員上《演鬥聽》。

最新一集《演鬥聽》非常熱鬧,有6位聲夢學員包括:文凱婷(Aeren)、何晉樂(Rock)、林君蓮、張馳豪(Aska)、林智樂(Felix)和孫漢霖(火雞)及特別嘉賓無伴奏合唱團VSing,分成兩組進行音樂battle。

身為Monster隊隊長的王梓軒大讚同組聲夢成員:「大家都發揮得好好!各自都試咗作曲、作詞同改編,甚至同人合唱,仲可以攞自己之前俾人話過嘅嘢出來變做art,我覺得好正!」

梓軒續說今次請到Aeren可以藉機澄清誤解:「之前上《聲夢傳奇》做評判時剛好要評Aeren,但我評語經過剪輯後得返一句: 『Why are you singing? 』。當時有唔少網民誤會我質疑佢,其實我係想佢搵返同歌曲嘅共鳴!」

Aeren即回應:「我知梓軒係為我好!好開心個節目令我哋發掘到自己嘅潛力!同時亦容許我哋NG,發現錯少少唔緊要,呢啲就係free style,即興嘅氣氛真係好好。」

Aeren續指:「我平時有寫開rap,但廣東話就真係少啲,今次有機會試吓,就算寫得唔好都係free style。」

至於Aska稱:「我本身都有唱有寫開rap,但喺節目度就冇試過啦!平時多數寫英文,所以今次都係用英文寫,廣東話就可能下次……上《演鬥聽》同之前比賽嘅形式唔同,比賽壓力比較大,有一個星期準備自己首歌,(之前比賽一個星期準備一首歌有壓力?你依家係一日準備幾首歌喎?)個氣氛唔同,好玩啲。」

最新影片推介:Anson Lo專訪

撰文 : TOPick柴犬出動