【夫妻矛盾】老公要求生B應承幫手湊女  女兒出生後反口:掉個女出街啦

親子 11:25 2021/10/11

分享:

有港媽在網上大呻老公拒絕幫忙湊女,令她感到難受。

生小朋友原本是樂事,但照顧初生嬰兒難免感到吃力,夫妻在計劃生育前要達成共識,怎樣分配照顧工作,否則會影響關係。一名全職媽媽在網上大呻,抱怨老公最初答應幫忙湊B,豈料女兒出生後卻反口,令港媽感到難受且壓力大,更直言「好憎佢」。

老公要求生小朋友

該名港媽在網上討論區「親子王國」,以「比我呻下,憎老公憎左3年」為題發文,指自己起初不願生育,但老公想要小朋友,加上對方答應自己會幫忙湊B,「話佢會幫手,奶奶會幫手,再唔係請工人」,這才令她改變主意。

乜都話得,點知生咗就乜都唔得!

最新影片:日練4小時車上進餐夜晚補習 16歲少年刻苦奮鬥成網球U16全港冠軍

女兒出生後始知湊B辛苦

豈料女兒出生後,老公卻出爾反爾。港媽表示,老公在女兒剛出生時也有幫忙湊女,但幾個月後開始知辛苦,便「乜都卸膊」,

仲要鬧返我話人哋個個都係咁湊,點解人哋湊到你湊唔到...我一星期湊七日,24小時全職媽媽,叫奶奶幫手一日半日,佢同我講佢驚佢媽辛苦!

直至現在,港媽慨嘆每次一說辛苦,或希望老公幫助時,對方就會惡言相向,直言自己要工作賺錢,不會幫忙。而每當港媽希望奶奶能幫手湊小朋友時,老公更會覺得「好似益咗我咁」。

一開口叫佢媽幫吓手,佢就會串我、話我、黑面。就係呢啲說話,聽咗3年,積埋積埋,所以憎到佢一個點…如果我再發脾氣,佢就會發晦氣話,『唔好X湊啦你,掉X咗個女出街啦!』後來我就唔駁了,由得佢講乜都好啦,總之係我錯,係我揀錯人!!

    點擊圖片放大
    +6
    +5

網民:無口齒仲要聲大夾惡

港媽表示,後來唯有做兼職,每日工作數小時,才能換到奶奶的幫助。帖文一出引起網民熱議,紛紛留言批評港媽的老公自私,「最怕啲人無口齒仲要聲大夾惡」、「好唔識體諒老婆」、「當老婆係奴隸」。

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳