【最難行的路】鄭欣宜收黃偉文手寫歌詞感動落淚 Joyce拍MV體會何謂寸步難移

娛樂 17:24 2021/10/11

分享:

分享:

收到黃偉文手寫歌詞感動落淚,鄭欣宜拍MV體會何謂最難行的路。

鄭欣宜(Joyce)繼新歌《@princejoyce》、《先哭為敬》和《罰你》之後,接連推出本年度第四首派台作品《最難行的路》,Joyce認為每個人的人生路各有不同,即使再難行也不要太聚焦難行的部份。

今次Joyce拍攝MV更體會到何謂「最難行的路」,因為形象指導為她安排了一條重量十足、令她寸步難行的巨型藍色紗網裙。

同場加映:冼靖峰、鍾柔美專訪

在《最難行的路》MV中,Joyce以3個不同造型出現,形象指導更在韓國空運了一條巨型紗網裙來港,配合現場的歐洲式建築,加上Joyce臉上的閃石妝,充分展現了她高貴而夢幻的一面:「其實條裙今朝先到香港,因為好重、好大條,要5個工作人員合力先可以搬得起,好在拍嘅時候樣樣都好順利。」

由於巨型藍色紗網裙「重量十足」,期間導演要求Joyce「試吓行前兩步」,但最終失敗,完全體驗到何謂「最難行的路」:「雖然我唔特別覺得自己條路難行,我反而好相信每一個階段、每一段路都有佢嘅原因,先可以帶到我嚟到今日嘅呢一個地方。」

【小夜燈】鄭欣宜在獨處中學懂發掘自己 豁達面對惡評:總有人不喜歡你

(發相)

新人蔡浩然客串MV

接著Joyce換上火紅色晚裝,被多位舞蹈員指罵,當中一位高人一等的型男,其實是新加盟寰亞大家庭的蔡浩然(Scott),當日前來客串MV的他,更是他「處男下海」第一次拍攝MV。

Scott說:「早排第一次拍電影,今日第一次拍MV,仲要係幫欣宜拍,自己跳開舞,MV又有跳舞嘅元素,希望可以展示自己擅長嘅地方,等大家了解我多啲。」

【Chill Club】欣宜翻唱《心亂如麻》獲好評 網民大讚唱功:行走的CD

(發相)

【先哭為敬】鄭欣宜為新歌MV化身舞台劇演員 面對導演彭秀慧有感像考試【有片】

至於另一個造型以黑、白色為主,Joyce更戴上百萬珠寶進行拍攝,她搞笑說:「Oh my god,造型師無同我講要戴咁貴嘅珠寶,但今次MV三個造型我係未試過,所以我覺得好amazing。」

被感動不禁落淚

除造型的驚喜,收到黃偉文(Wyman)所填的《最難行的路》歌詞時,同樣給Joyce既驚喜又感動:「之前睇過Wyman一個社交網站嘅post,係佢以前幫其他歌手寫過嘅歌詞,嗰時電腦未普及,每一份歌詞都係用人手寫,當時我同過佢講『我又要』,但無奈我第一次同Wyman合作係2015年嘅《你瘦夠了嗎?》,一切已經電腦化。」

點擊圖片放大
+9
+8

Joyce續指:「今次收到呢一份《最難行的路》歌詞時,係我一擘大眼、打開個電話,就見到佢嘅手寫稿歌詞,我真係好感動,Wyman都有透露佢寫呢份詞嘅時候,自己忍唔住喊,好多謝佢!」

其實早在去年,她已收到《最難行的路》的曲,直到今年才推出,Joyce解釋:「呢首歌係徐沛昕作曲,舊年收到首歌嘅時候,一聽就覺得好搶耳、好快識得跟住唱,所以hold起咗,而家加埋Wyman嘅詞,諗住做年尾嘅一個major plug。」

撰文 : TOPick柴犬出動