【MIRROR成員】Edan自揭兩度開工時暈眩 呂爵安體力透支要接身體檢查

娛樂 11:37 2021/10/12

分享:

被力捧Edan工作排山倒海,自爆兩次開工暈低要做身體檢查。

MIRROR貴為香港最當紅的偶像組合,工作當然浪接浪,其中Edan(呂爵安)更是今年被力捧的成員之一,劇集、電影、綜藝節目、音樂、廣告代言等工作未有停過。

前晚,Edan在社交網站進行直播,自爆近日兩度在工作期間感到暈眩,需要接受身體檢查。

最新影片推介:日練4小時車上進餐夜晚補習 16歲少年刻苦奮鬥成網球U16全港冠軍

【MIRROR成員】姜濤+Jer加入MOOV Live名單 鏡粉撲飛門票炒至2萬元

Edan今年獲得公司力捧,由年初至今先後推出了三首個人單曲,再憑劇集《大叔的愛》闖事業高峰,接連接下賀歲電影《闔家辣》及ViuTV新劇《i.SWIM》兩部新作。

綜藝節目方面除主持《考有Feel》外,《膠戰》亦因為得到觀眾的喜愛,近日推出《膠戰S2》,再加上連串的廣告代言、商演及演唱會,Edan最身體終於響起警號。

前晚(10號)在新節目《膠戰S2》首集播出之前,Edan在instagram舉行直播,宣傳節目及新歌《My Apple Pie》,期間自爆最近曾經兩度在工作中暈倒,所以日前決定進行詳細的身體檢查。

【MIRROR成員】鏡仔熱潮吹到日本 NHK電視台分析12子走紅原因

Edan日前開Live自爆暈倒經歷。(截圖)

【MIRROR成員】呂爵安應援車登陸美國 爵屎承諾Edan新歌MV破千萬即捐款行善

全身標冷汗感不妥

Edan透露,在拍攝《膠戰S2》首集時,於清空了的大型商場內拍攝,由於太久沒有做運動,跑了一段時間開始覺得身體有異樣:「跑到就死咁,一坐低開始暈、想嘔、標冷汗,感覺成個人好唔妥,24歲仔未試過咁,覺得好驚,成身濕晒要即刻換衫。」

當晚通宵完成拍攝後,Edan再「直踩」開工拍攝新戲《闔家辣》,但有感當日的身體反應有點誇張,所以之後決定進行一次詳細的健康檢查。接著Edan再自爆,有這個想法是因為再之前為劇集《i.SWIM》作準備時,已有一次突然暈倒的經驗。

    點擊圖片放大
    +3
    +2

【MIRROR成員】海外爵屎出動流動車於荷里活大道應援 呂爵安感謝美國粉絲:辛苦晒

練水體力消耗大

Edan曾直言接演《i.SWIM》要角是「執二攤」得來的,他直認自己不精通泳術之餘,還有點怕水:「做運動嚟講我一定唔會揀游水,沖涼水掂到眼會打唔開,一定要用毛巾抹先可以,係去到咁誇張嘅程度。之前學游水去到深水地方就驚,懷疑自己未試過游完整的25米,所以今次係一大挑戰。」

在開拍前,Edan與其他演員都會去練水,導演、監製和港隊教練都會有現場觀看他們的表現。

首次出席練水的Edan未開始已感到壓力,而他還在未熱身的情況下先行下水以蛙式游了一個來回:「游完隻腳緊到,好似腫咗、啲筋硬晒,可能因為無熱身,心感不妙。上返水後大家一齊熱身,開始覺得自己暈暈地,但無理由呢個時候同大家講我頂唔順、需要抖下,熱身啫又唔係游咗十幾廿次。」

最新影片推介:鍾柔美+冼靖峰專訪

Edan曾不適暈倒

為免被覺得體力欠佳,Edan「死頂」繼續熱身突然眼前一黑就倒下了,幸好有徐及時把他抱住,未有跌倒:「做多陣開始眼冒金星,過多陣我真係暈低,好彩有人扶住我,嘩!個刻我真係想搵窿捐呀,第一次嚟練水想游俾大家睇,仲要個角色應該要游得好叻,做做下熱身你暈喎,真係好鬼樣衰!」

當日稍為休息後Edan回復體力,接連練習了一個小時也能夠應付,但經歷兩次的暈倒事件,他決定接受身體檢查,而幸好檢查結果並無大礙,各位「爵屎」可以放心。

其實早前,另一MIRROR成員姜濤在出席代言活動時突然暈倒,已令大家對MIRROR成員的身體狀況大為關注,現在另一當紅成員亦有過勞的情況,實在令人憂心。

    點擊圖片放大
    +23
    +22

撰文 : TOPick柴犬出動