【婆媳矛盾】新婚人妻上網抱怨 奶奶索回男家人情:啲朋友因為我先嚟

親子 15:40 2021/10/13

分享:

有新婚人妻抱怨奶奶要求取回擺酒的人情。

正所謂講錢傷感情,有夫妻與「四大長老」因結婚擺酒的金錢問題而鬧出矛盾。近日一名新婚人妻在網上發文,問網民奶奶要求收回部份婚宴中的人情是否合理。雖然她與老公商討後都決定將人情「上繳」,不過直言對奶奶的印象亦因而變差。

該名新婚人妻在「香港討論區」,以「奶奶問我哋拎番結婚人情啲錢...」為題發文,指自己與老公結婚後,奶奶突然指出要拿回男家朋友所付的人情,

話啲朋友係因為佢先會嚟,佢哋俾嘅人情因為(所以)屬於佢。

女家父母將人情交予新人

事主續指,結婚買樓向來都是兩夫婦純靠自己儲蓄,而外父外母亦表示因建立家庭洗費大,所以願意將女家全數人情交予一對新人,相反奶奶在「好吃好住有工人」的情況下仍伸手要錢,實在令她感到十分無奈。

儘管如此,樓主與老公商討後都決定答應奶奶的要求,不過直言自此對其印象極差。樓主表示現在「已經諗通咗,最緊要同老公過得好!」,暫時亦因為拼搏期所以較少與老爺奶奶接觸,又說若無此事發生,他們都會盡量抽時間與其見面。

網民:豪俾老人家

帖文一出引來網民熱議,有人批評奶奶這樣是貪錢的行為,「俾著我就唔會囉」、「人情減返佢哋嗰幾圍酒席錢先俾返佢囉」、「一樣米養百樣人」。

    點擊圖片放大
    +6
    +5

另外有網民問事主,酒席是否由男方支付,故奶奶才要求取回人情。事主回覆:

訂金係我老公俾嘅,因為我哋當日都忙,老爺幫手找尾數(都係細數)...可能奶奶想cover呢條數掛...但係感覺都係好肉酸…自己個仔娶老婆喎...當然結婚都係兩個人嘅事,但係感覺好差!

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳