【同煲同BLOW】少爺占當奴睇BL劇吸收「腐能量」 艾粒聲演男男戀麻利徹底崩潰

娛樂 17:05 2021/10/13

分享:

「黃Viu煲劇平台」推出由麻利主持的《同煲同BLOW》,首集邀恆仔趙善恆探討完熱血沸騰動畫後,今集轉話題,請來艾粒成員少爺占(甄子康)及當奴(唐劍康)大談近期熱爆的BL(Boy’s Love)世界,並齊聲演激情的男男情侶,令現場散發濃濃的「腐」味!
 
少爺占曾在廣播劇中飾演同性戀角色「朱艷強」而大受歡迎,之後不時以「朱艷強」名義開騷,早與BL結下不解緣。他說:「我都成日會睇BL劇為『朱艷強』取材,加上依家 BL 始終係大氣候,幾乎每套劇都會加入呢個元素。」

最新影片推介:冼靖峰+鍾柔美專訪

他表示個人推介最近泰劇《Bite Me The Series》,指因為兩位男主角顏值高。

相反,當奴坦言起初對BL有點抗拒,直到日劇《大叔的愛》令他開拓新眼界:「開頭真心抗拒,但連日本都開始拍呢類題材,我就開始睇吓《大叔的愛》。我好鍾意入面嘅『阿牧』林遣都,覺得佢演到好內斂嘅感覺。」

BL劇主角個個靚仔

雖然艾粒在「黃Viu」煲BL劇期間接收不少「腐能量」,但對於要親自合演BL劇,他們的隱憂竟是顏值不夠。

少爺占笑言:「拍BL劇要狀態好好,少少水腫都唔得㗎,因為個個都靚仔嚟,我見啲男主角髮型好硬,點吹都唔會亂,所以如果對自己個樣唔夠信心都拍唔到BL。」

搞笑聲演男男激情

至於當奴比較鍾情古代BL劇,本身是《哲仁王后》粉絲的他稱:「《哲》係講一個現代直男穿越咗去古代王后嘅身體入面,我好鍾意呢類題材,始終喺古代BL唔係咁容易接受,好多故事都發生喺錯摸嘅世界,禁忌得嚟又帶啲含蓄。」
 
麻利即場考驗艾粒的配音功力,要求他們重新為兩部BL劇《To My Star》及《Close Friend》配音,當看到兩位男主角「滾床單」的片段,少爺占與當奴發揮搞笑本色聲演激情男男,配以無厘頭對白及尖叫聲,令麻利大嘆劇中的浪漫氛圍被徹底崩壞。

撰文 : TOPick柴犬出動