鄭秀文拍《螢》專屬MV送歌迷驚喜 與栢天男冒雨遊叮叮為愛發亮

娛樂 12:28 2021/10/18

分享:

鄭秀文邀栢天男拍MV。

「樂壇天后」鄭秀文(Sammi)一向非常愛錫歌迷,早前推出新歌《螢》生日音樂Live版和全能助手自家製剪輯版MV,歌迷統統收貨,並表示非常喜歡。

事情就此告一段落?追求完美的Sammi決定為歌迷炮製驚喜,為《螢》拍一個專屬MV,並與「翻版金城武」栢天男,在電車上談一場以愛發光發亮的愛情故事。

天公造美

雖然拍攝MV當日面對8號風球迫近,但幸好也算天公造美,因為雨景跟這個MV氣氛非常吻合,畫面更添淒美!

Sammi 說:「之前出咗兩個MV版本,一個係8月生日音樂會版本,另一個係我助手自家剪輯版本,我助真係好叻架!不過都唔算係正式MV,邀請栢天男擔任男主角,拍一個《螢》專屬MV。」

她表示,覺得MV的畫面非常重要:「畫面除咗有質感,男女主角有好多演戲部份,所以要搵專業演員演MV男主角。」身旁的栢天男透露MV中有很多令人心動的甜蜜畫面。

Sammi又說:「呢首歌嘅歌詞內容令人感動,係講一個人為愛情付出和犧牲精神,希望《螢》MV帶出淒美,又有少少Cool嘅感覺。」

為歌迷送驚喜

登上電車後,Sammi興奮地說:「我成日都覺得《螢》同叮叮(電車)有一種好奇妙嘅連系,終於達成心願上到叮叮,拍一個《螢》專屬嘅MV,真係好開心。呢個亦都係《Listen To Mi》專輯送畀大家嘅驚喜。」

Sammi再稱:「因為好多歌迷都以為只有音樂會剪輯版MV,估唔去到呢刻有個咁大嘅驚喜,希望大家感受到我嘅誠意、對呢首歌嘅執著和認真,同埋喜歡呢個版本嘅MV。」

雖然栢天男對中文認識不多,靠工作人員翻譯而了解歌詞意思後,亦表示好感動,他說:「我中文唔叻,我最鍾意當中歌詞『小小的飛蟲卻能憑愛發亮發光』,螢火蟲單憑愛就可以令自己發光發亮,好有意思。」

他續指:「好多年輕情侶一開始時會遇到好多阻滯,為咗延續愛,培養感情並唔容易,要堅持,特別鍾意呢首歌好多鼓勵性嘅歌詞。」

他自爆烏龍事,原來最初他自以為有「型」而被選中演出,後來才知道歌名是螢火蟲的「螢」字,非常搞笑。
 

撰文 : TOPick柴犬出動