【青年心城】游嘉欣攀石險象環生 游游半天吊嗌救命:驚到出晒手汗

娛樂 11:25 2021/10/21

分享:

《青年心城之撐起青春》

TVB新劇《青年心城之撐起青春》將於本周日(10月24日)播出第3集,這集重點除了阿峰(林正峰飾)會遇上「頭號情敵」因而醋意大生外,「焗住變頹」的阿峰更重拾昔日「熱血」Mode,對不公平事件進行大控訴!

至於憑《青年心城》首度升呢成女一的游嘉欣,在第3集將繼續發揮獨門可愛秘技,演繹大量Gfable表情包,包括期待、欣喜、傾慕及失望等。

游游半天吊叫救命

除表情豐富大放送,游游新一集更會首度挑戰攀石。本身熱愛運動的游游,為以最佳狀態拍攝,事前專誠抽空學攀石,相當專業。

雖然做足準備,但游游坦言拍攝時依然險象環生:「嗰場戲需要吊喺半空嗌救命,因為真係吊咗喺有啲高嘅位,當時只能靠隻手掹住啲石,對腳係冇任何嘢畀我踩住,所以其實嗰刻真係驚到出晒手汗,我嘅救命係真心架!不過整體成件事係好玩嘅,係拍完第二日對手勁酸痛、手指又冇乜力。」

此外,在劇中飾演熱血富家千金阿欣的游游,劇中角色是集更會展示「驚人」地獄級廚藝,更食到阿峰乸晒口臉,相當爆笑。

不過游游強調現實中的自己並非如此:「我煮嘢食OK架,我媽咪識煮嘅我都識,最鍾意食釀豆腐同釀冬瓜。我下廚有冇烏龍嘢?都有嘅,我試過想整糖番茄,點知落錯咗鹽,好咸!」

愈來愈弗的游游又指為了修身,平時很少外出吃飯,並開心Share節食心得:「盡量戒澱粉質,少油少鹽少糖,如果出街食通常只係食三文治或帶飯。另外我一路有做運動Keep住,因為如果唔KEEP再減過好辛苦。」

最新影片推介:楊潮凱專訪

撰文 : TOPick柴犬出動