【職場奇聞】應屆大學畢業生粗口罵HR聲稱識高層 港媽代道歉︰我小朋友有誤會

育兒經 13:39 2021/10/21

分享:

一名應屆大學畢業生不承認申請兼職職位,用粗口罵HR。

大學生畢業找工作,怪獸家長又出沒!有一名HR分享遇到無禮貌的大學生用粗口怒罵他,事後其媽媽代「小朋友」道歉,HR有感子女如此囂張是怪獸家長一手造成,家庭教育很重要。

粗口辱罵HR

該名為「HR朋友」的讀者向facebook專頁「生仔要考牌系列」投稿,分享有一名大學fresh grad申請一份兼職工,有關帖文於昨日(20日)發布引起網民熱議。投稿者從事人力資源管理的工作,工作範疇包括收應徵者履歷表,如有合適者會約見面試。有日HR致電予一名應屆畢業大學生約面試詳情,該見工者申請了一個兼職職位,當聽到是見一份part time工作的時候,反應很大,更夾有粗口無禮地回覆HR。大學生在電話中說︰

其實你自己打開對眼,睇真啲啦。我呢,今年大學畢業嘅,你覺得我有冇可能,有full time唔apply,要apply part time呀?你自己睇清楚啦!做HR做到你咁XXX(粗口)嘅都係第一次見。

聲稱媽媽認識高層

該應屆畢業生不承認自己申請兼職職位,更辱罵HR。事後HR即時查看記錄,「100%肯定佢係報咗份part time」。此外,申請者高高在上,斥HR有眼不識泰山,表示家人認識高層。

我阿媽就識人喺你公司做高層嘅,叫XXX,你一定識佢啦!你叫我見part time,玩X(粗口)我呀嘛?我就一定會同佢講,叫佢玩X返你。

最新影片︰「女飛魚」化身教練培養泳壇精英 蔡曉慧:運動員是輸得最多的人

港媽代「小朋友」求情

HR有感如果真的認識高層,不如直接俾CV履歷表高層,根本不用如此辛苦地自己電郵申請。事件未完,相隔數小時之後,該名申請者的媽媽致電予HR道歉求情︰

唔好意思,頭先我個小朋友可能有少少誤會,可唔可以再俾機會佢面試?

投稿者有感當有些家長以為幫到自己大學畢業的仔女上公司見工,再幫他們取得或拒絕工作機會,甚至投訴上司或同事,當中的「幫」其實是害了子女。化身直升機家長一直在子女頭上盤旋,怪獸家長養成怪獸子女。

父母一直幫住佢哋,其實想幫到幾時?係幫佢哋定害咗佢哋?會唔會因為一直幫住佢哋,搞到佢哋連做人最基本嘅嘢都唔識?

網民︰識唔識咩叫尊重

網民留言斥責該見工者自以為是,完全不懂處事待人接物,難在職場生存。「阿大學生,既然你咁勁,唔好打工啦,唔去做老闆?」、「如果我係個HR咁樣俾個大學生罵,我會同佢講識唔識咩叫尊重」。另外不少人斥責沒家教是父母之過,媽媽沒有放手,留言包括「其實一個大學生俾自己阿媽形容係小朋友都係一種侮辱」、「養佢一世啦,出社會幾麻煩大家」。更多留言見下圖︰

    點擊圖片放大
    +11
    +10

文章內容獲「生仔要考牌系列」授權轉載。

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰顏紫燕