【一沉百踩】張致恒爆幼稚園校長歧視反被狂插 雯雯列18點護夫︰佢唔係殺人犯

育兒經 13:10 2021/10/28

分享:

張致恒(Steven)呻為2歲大仔報讀幼稚園時遭校長歧視,反被網民鬧爆,令老婆雯雯忍不住發長文反擊。

是非多多的張致恒(Steven)近日在IG放負,呻為2歲大仔張天寶報讀幼稚園時遭校長歧視,可是網民一面倒反罵Steven,是他其身不正連累囝囝。Steven老婆雯雯隨即在IG以18點反擊網民,維護老公只是犯了10個有9個男人會犯的錯,叫網民要向前望。

雯雯在IG列出18點長文列出18點護夫,強調他們未有為兒子報讀名校和九龍塘的學校,且尚未在任何學校面試,包括在歧視事件中校長所屬的學校。雯雯稱兒子還未面試,該名校長已表明拒收,質疑此舉有問題,

我哋從來冇渴望過一定要入呢間學校,冇接觸過個小朋友就話唔收,我都唔會想我小朋友讀一間咁樣嘅學校。

    點擊圖片放大
    +6
    +5

雯雯又斥責網民只是看表面,仍停留於2019年發生的事,又稱老公不是殺人犯,「只係犯咗10個有9個男人會犯嘅錯,咁樣並唔代表佢個仔一樣會犯呢個錯。」呼籲網民不如先了解Steven現在的為人才作評論。

最新影片︰任喇沙書院劍擊教練逾30年  曾俊華談學習劍擊之道

稱老公有還錢︰只係時間長啲

對於網民指Steven欠債累累,雯雯稱老公有還錢,「只係需要嘅時間長啲,但從冇走數。」又言他們一家是窮,但並不代表兒子沒資格讀書,他們也只是報讀政府資助的幼稚園,沒有報任何私校。

    點擊圖片放大
    +7
    +6

雯雯最後承認老公的確有用詞不當,帶出太多誤會,他只想替兒子抱不平,所以都沒有開學校名。她強調,絕不會給任何人機會去傷害她的小朋友。

雯雯列出18點反擊網民。(IG圖片)

雯雯18點反擊如下︰

1. 我個仔冇報任何名校。
2. 我個仔冇報任何喺九龍塘嘅學校 。
3. 我個仔係未做任何學校嘅面試。
4. 身教係好重要,但係我個仔爸爸唔係殺人犯,佢只係犯咗10個有9個男人會犯嘅錯,咁樣並唔代表佢個仔一樣會犯呢個錯。
5. 我個仔只有兩歲半,佢將來會係一個點樣嘅人冇人可以預知,所以冇人有資格去批評佢。
6. 如果一個小朋友連面試都未面,個校長就話唔收,咁樣會唔會太過有問題。
7. 我哋從來冇渴望過一定要入呢間學校,冇接觸過個小朋友就話唔收,我都唔會想我小朋友讀一間咁樣嘅學校。
8. 你哋全部都只係睇表面,只係喺度停留喺一件2019年發生嘅事,而家都已經2021年,如果呢段時間你哋係有喺張致恒身邊同佢相處,兩年後嘅佢係一個點樣嘅人,你就有資格去講,但係如果你仲停留喺兩年前,不如你而家了解咗先去評論咁多嘢。
9. 我哋係窮,但係並唔代表我個小朋友冇資格去讀書。
10. 我係唔會俾任何一個機會有人可以去傷害我嘅小朋友。
11. 我冇報任何私家,報嘅都係政府資助。
12. 我哋冇話過我哋報人哋就一定要收,只係覺得點解一間學校連面試都未面就表明唔收呢個學生。
13. 我老公唔係要嘈,佢只係替自己小朋友不公平,喺自己平台抒發自己感受,如果真係要嘈開咗學校名喇。
14. 我老公的確有用詞不當,帶出太多誤會。
15. 希望大家唔好停留喺兩年前,向前望。
16. 請成熟點,不要傷害一個兩歲嘅小朋友。
17. 我老公係有還錢,只係需要嘅時間長啲,但從冇走數。
18. 香港人係善良嘅,請對自己嘅說話負責任,唔好一個大人去傷害一個小朋友。

Steven自爆遭幼稚園校長歧視,詳文即睇【上一頁】

最新影片︰私房菜總廚公開乾炒牛河3大秘訣 掌握牛肉嫩滑河粉不黐底竅門

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳