【對得起自己】陳柏宇力邀姜皓文拍MV 葉巧琳黃妍被黑仔演技懾服

娛樂 16:49 2021/10/29

分享:

分享:

陳柏宇MV另有葉巧琳、黃妍演出。

陳柏宇(Jason)將於12月舉行第二次個唱《陳柏宇Fight For ___ Live in Hong Kong Coliseum》 ,今日新歌《對得起自己》亦正是Jason努力奮鬥的信念延伸。

為了突出《對得起自己》內容,MV最近找來姜皓文(黑仔)特別演出、另外還有葉巧琳(Mischa)及黃妍(Cath)參與其中。MV是關於一個潦倒爸爸(姜皓文 飾)跟女兒重拾溫情的故事。

黑仔指今次是被歌名《對得起自己》及MV的劇本吸引,答允參與演出,他說:「聽個歌名已經好有正能量,是一個好勵志題目,我向來對勵志故事感興趣,睇埋劇本就覺得好啱我去演。」

葉巧琳黃妍演出。

黑仔的演技爐火純青,擁有懾人的魅力,扮演前妻的Mischa也表示:「其中有一個鏡頭我要逃避黑哥嘅目光,其實我真的被他眼神帶入戲,條件反射擰轉頭。」客串扮演老師的Cath也讚嘆:「黑哥三兩下散手已經演到導演要求,好厲害!」

Jason就欠了點緣份,因為他只有穿插在MV中獻唱的鏡頭,不過他在黑仔拍攝MV當日也有去探班,感謝對方參與演出,他說:「好開心搵到黑哥做男主角,喺拍攝現場即時睇到出嚟效果係點,當然好滿意啦!因為佢嘅演技真係好犀利,雖然今次唔可以同框演出,但都好榮幸有佢喺我嘅MV出現。」

黑仔做潦倒爸爸。

在工作上黑仔與Jason從未有正式合作機會,但二人數年前已認識,黑仔說:「我以前同Jason係喺同一間健身房做Gym,當時有人話我知佢就係唱歌嘅Jason陳柏宇,當時嘅第一印象就係佢好勤力!因為我本身都算勤力隔日去做Gym,但佢係日日去做!所以佢俾我感覺係好有正能量嘅一位歌手。」

黑仔表示,一位如此正面的歌手開Show,必定會為演唱會而去盡,但他也鼓勵Jason道:「記住要為自己而奮鬥,對得起觀眾,對得起自己,做場Good Show就夠了。」

同場加映:林秀怡訪問

撰文 : TOPick柴犬出動