【自閉症】乘客港鐵內開大電話聲 5歲自閉兒受驚尖叫反受辱︰癲嘅就唔好出街

育兒經 12:57 2021/11/09

分享:

有5歲自閉兒在港鐵車廂內受驚尖叫,卻遭乘客羞辱「癲嘅就唔好出街」。

自閉症孩子有特殊需要,未必能妥善控制情緒,身邊人應多體諒。一名港媽於社交媒體投稿指,帶5歲患有自閉症的姪仔搭港鐵,遇上有乘客開大電話聲,令姪仔受驚尖叫。港媽勸喻乘客降低電話聲,反遭對方羞辱姪仔「癲嘅就唔好出街」。

該名港媽在facebook專頁「生仔要考牌系列」投稿,表示自己育有兩個孩子,當小朋友返學後,她會幫忙哥哥照顧其5歲的兒子。她指姪仔患有自閉症,未懂說話,受驚嚇時會突然尖叫,一般由她帶姪仔去接受感統訓練。

尖叫打自己遭乘客羞辱

姑姐講述事發當日,如常帶姪仔乘港鐵去做訓練,當時車廂內多人,坐隔離的一名媽媽帶著一個似是幼稚園生的小朋友,對方電話聲開得很大。在這種環境下,姪仔開始「好忟」,發出尖叫聲並打自己,她立刻攬著姪仔加以安慰。

可是,該名媽媽乘客稱「佢差啲打到我小朋友」,於是姑姐請她將電話聲收細,解釋「我姪仔係自閉症小朋友,如果突然有刺激嘅聲音,係會影響到佢情緒」。而對方的回應令她至今難忘︰

癲嘅就唔好出街喇,亂咁打人,無啦啦殺咗人都無責任!

最新影片:爸媽代子女答問題影響表達能力  辯論尖子拆解入學面試失分位

姑姐對姪仔視如己出

姑姐當時聽後難過流淚,但她依然向對方表明姪仔沒打到其子,在公眾地方亦不應該開大電話聲。她為免影響到其他乘客,在下一站落車,待姪仔情緒穩定後再出發。她提及與姪仔的關係︰

我對姪仔視如己出,我好錫佢,佢每次嘅進步,我都好開心。

而姪仔的媽媽已離世,她希望姪仔可以感受到家人對他的愛錫,也慶幸自己兩個小朋友願意與姪仔分享。另一方面,她希望社會對多關心有特殊需要的小朋友。

不少網民留言鼓勵姑姐與姪仔,同時批評該名媽媽乘客的惡劣行為,有網民表示,「我好欣賞樓主嘅做法」、「你處理得好好」、「人無知真係好得人驚」、「做人媽咪都咁樣,點教好自己個小朋友」、「個女人咁講太過份」。點擊圖片睇更多網民意見︰

    點擊圖片放大
    +9
    +8

文章內容獲「生仔要考牌系列」授權轉載。

TOPick推出「Band1學堂」,更多教育升學資訊:https://bit.ly/3a6H6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳