【MIRROR成員】鏡粉老婆投訴電腦不能上網 前夫花式玩命用「Ian卡」插電腦底板

娛樂 17:00 2021/11/13

分享:

早在社交平台群組「我老婆嫁左比Mirror導致婚姻破裂關注組」建立初期,已有MIRROR鏡妻粉的老公們(前夫)指自己誤稱MIRROR成員陳卓賢(Ian)為「LAN」、「LAN線」,日前就有前夫於群組內分享自己「花式自殺」地用上Ian款快餐店小卡,獲得不少網民留言嘲笑。 

最新影片推介:曾志偉專訪

Ian小卡被插電腦底板

有一位前夫於群組內發帖,上載一張把Ian小卡插在電腦底板卡槽的黑白相,寫道:「老婆話電腦突然上唔到網,我身為前夫,當然要幫手啦,換咗張lAN卡,真係快咗……講緊婚姻破裂嘅速度」。

網民的留言也相當精彩,「自殺式,怪得誰?」、「Lan卡量多,死亡速度下降中……」 、「用tiger 或Alton ,快過光纖」、「下次試下插姜濤卡。可能冇事呢」、「I同l#我唔識分呀」。

    點擊圖片放大
    +3
    +2

傳鏡仔小卡數量不均

今期快餐店所推出的MIRROR成員小卡為Ian、柳應廷(Jer)和王智德(Alton),一直有傳鏡仔成員卡的數量不均,兼且粉絲「投訴」Ian的小卡數目佔比較多。「前夫」群組也有人大呻自己一連抽了11張Ian卡,不知道如何向老婆交代:「求救!我可以點同老婆交代?算啦,我都係瞓M記算!」

而快餐店將會於下星期推出集齊MIRROR 12位成員的限量版閃卡,即是一眾前夫們又要再努力默默換卡了!

撰文 : TOPick柴犬出動