【苦盡甘來】長子理大畢業次子成家立室 羅霖用一層樓供美國讀書︰知識係一世

尖子教室 13:48 2021/11/14

分享:

分享:

56歲「美魔女」羅霖以青春打扮出席大仔的畢業禮。

「美魔女」羅霖離婚近10年獨力養大3名兒子劉子榕(Nathan)、劉子熙(Jordan)及劉子晉(Jonathan)。22歲二仔Jordan在美國大學畢業後定居當地工作,並與混血女友結婚;昨日(13日)25歲大仔Nathan亦在香港理工大學畢業,56歲的羅霖以青春打扮與母親一起出席畢業禮。

羅霖在社交平台分享畢業禮照片,可見她穿上短裙襯長Boot現身,打扮青春似足兩姊弟,她還開心得親吻兒子。羅霖留言祝福兒子說︰

因為疫情,延遲了大學畢業典禮,感恩最後能夠順利舉行!祝願Nathan未來一切平安喜樂順利!

    點擊圖片放大
    +7
    +6

大仔的求學路甚為崎嶇,在港讀完基督教國際學校(ICS)後,到英美升學讀過媒體、設計及法律。兜兜轉轉後,大仔卻發現最愛不是法律,毅然輟學返港入讀理工大學商業設計,羅霖曾大呻浪費了3年逾百萬學費,但仍支持大仔做喜歡的事。

羅霖接受車淑梅電台節目《舊日的足跡》訪問。(港台提供)

羅霖︰錢冇左可以再賺返

羅霖近日亦接受車淑梅電台節目《舊日的足跡》訪問,她回想離婚近10年獨力養大3子,當中有苦有樂。雖然羅霖說自己50多歲年紀大,沒有樓在手不知怎麼辦,但無論如何也得供孩子讀書。

我本來唔想再租樓,但最後決定用一層樓嘅錢供佢哋去美國讀書,佢哋知道㗎。因為小朋友嘅知識係一世嘅,錢冇左可以再賺返嚟。

最新影片︰過多蛋白質或加速鈣質流失 營養師拆解飲食謬誤令孩子「高人一等」

否認做嫲嫲 讚新抱值100分

至於二仔Jordan則在美國洛杉磯一間大學讀心理學,成績理想還考取獎學金,畢業後定居當地工作。去年Jordan與女友Dhyana拉埋天窗,羅霖榮升奶奶,但她否認已做嫲嫲︰

我仲未抱孫呀,唔心急,我鼓勵佢哋多啲二人世界,做咗爸媽後全世界嘅注意力就會俾晒BB。雖然(我)未見過新抱,但係我哋好了解,我俾佢100分。佢哋好恩愛,又好想結婚,真係難得。

    點擊圖片放大
    +5
    +4

她透露自己早已將所有首飾分成3份,給3名兒子,更特別揀選了一枚戒指送贈新抱,待日後見面時親自給她。羅霖還開心指Jordan已找到實習工作,並正儲錢修讀心理學碩士,所以免收他的家用:「做人最緊要搵到一份自己喜歡嘅職業。」

離婚影響兒子不同婚姻觀

不過,父母離婚某程度上有影響兒子的婚姻觀。羅霖透露兒子對婚姻有不同看法。「大仔係不婚主義者,可能佢睇到我哋嘅過程,話一個人自由自在;二仔15、6歲已經話想快啲組織美滿家庭……我好掛住佢,但來回要隔離21日真係好辛苦。我試過返內地工作,隔離期間真係會抑鬱、會喊,加上因為乜嘢都做唔到,會諗起好多負面嘢。」

    點擊圖片放大
    +4
    +3

縱使跟前夫分開多年,羅霖表示也想和對方做朋友,更加希望兒子們愛爸爸。她認為夫婦離婚後成為陌路人沒問題,但對子女的成長就最好有商有量,可是對方的想法不同,她也沒辦法。

我教啲細路過時過節要有訊息俾爸爸,因為你恨一個人,一世都會好辛苦,一定要放低(過去),面對未來,唔可以憎人,(憎人)只會折磨自己,好蠢!我唔講咁多前夫嘅嘢,我唔可以講佢嘅壞話,總之我哋對仔女嘅相處方法係相反。我講我自己好喇,免得收律師信。佢而家都有家室,費事以為我仲掛住佢,哈哈,我講笑呀!

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯︰王明芳