【軒公敲碗】張敬軒孖富貴KOL睇豪宅 大爆雪姨有裸泳習慣

娛樂 12:59 2021/11/17

分享:

軒仔化身「一日限定地產仔」。

張敬軒全新網上綜藝節目《軒公敲碗》首集請來「大馬女神」林明禎擔任嘉賓,第二集昨晚(16日)上架,軒仔化身「一日限定地產仔」,孖住有「富貴KOL」之稱的雪姨去玩睇樓,影片一推出,即登上熱爆影片第六位,走勢強勁。

今集軒仔任務要向雪姨推介三個分別位於西貢約4000呎的獨立屋、西半山1300多呎的高層單位,及南區約700呎的中層單位的樓盤。

睇樓期間,軒仔更揭露雪姨原來喜歡裸泳及「多人沖涼」癖好,無論是獨立屋的泳池、還是私人屋苑單位,雪姨不時表示自己喜歡裸泳,聽到軒仔眼擎擎。
二人說到投資之道,軒仔透露原來他的媽媽曾帶過他到性用品交易市場,更着他要投資性玩具產業,雪姨亦表示贊同,認為這是十分有潛力的行業。

介紹樓盤時,軒仔亦不忘介紹單位的風水。

介紹樓盤時,軒仔亦不忘介紹單位的風水,「左青龍、右白虎,你睇吓有巒頭呀。呢個白虎位咁樣攬住你⋯⋯冇錯啦,北水南山,九運吖嘛。」去到西半山單位時,雪姨問到:「咁叫唔叫背山面海?」軒仔馬上解答:「如果以大廈格局,絕對係背水面海。而家就咁睇,我冇羅庚喺手,應該唔係好入背水南山。」

去到日式格局的睡房,雪姨直言自己喜歡有床,軒仔即說:「高床軟枕吖嘛,呢個其實係屋企家居好風水之一。寢室嘅床頭櫃最好係雙數,即係一對,枕頭都係。」他又溫馨提示租客或買家,「其實屋企漏水,無論玄學角度定實用角度,都係差啲。」

其實對於風水,軒仔有自己一套見解,「我覺得所謂風水,好大程度都係環境學、心理學同地理學。我自己睇風水就會比較科學,如果呢邊要擺個乜嘢神明、嗰度要擺個咩像,我覺得係唔好嘅。」

雪姨大讚軒仔專業。

除了風水,軒仔對室內裝修設計亦有一番研究,睇樓期間不時給予實質意見。隨後軒仔表示自己的project,無論是自己家、餐廳、店舖也好,全部都是自己跟進裝修,「第一,唔係唔想俾錢人賺,不過想自己學多啲;第二,磚同磚之間條罅叫咩呢?叫『掃口』,有時你驗收後就會知道,睇到呢個師傅手工,佢做嘅掃口、白英泥啲finish做得靚唔靚。如果唔靚可以點,因為掃口可以引致漏水,甚至引起個磚會裂。」

睇完三個樓盤後,軒仔表示帶雪姨睇樓「壓力大到不得了」,雪姨坦言軒仔令她大開眼界,「講真,我覺得而家成個YouTube界嚟講,帶人睇樓,你真係最專業。」雪姨更要給「一日限定地產仔」評分,「坦白講,過去兩年,我都睇過超過一百間樓盤,work with過好多唔同經紀,真係從來冇一個係咁專業。你會分析風水、連室內設計、裝修所有嘢,真係太勁!你令我好surprise。」

不過衝擊的是軒仔一定要聽媽媽的說話,「做性玩具,真係唔好嘥咗嗰個天份。」軒仔無奈問:「我個天份係邊呢?你又有冇見過我用。」雪姨馬上「獻身」,「我可以輔助你嘅。」軒仔呆着又抵死說:「喺業務上!你講清楚啲,嘩!我個心真係離一離呀。」

最新影片推介:曾志偉訪問