【絲打圍爐】小儀想同Edan肥仔姊弟戀 連詩雅蝦頭爆性幻想對象

娛樂 16:55 2021/11/18

分享:

蝦頭、小儀、連詩雅大膽講性。

楊詩敏(蝦頭)和連詩雅(Shiga)為新節目《絲打圍爐》獻上主持的第一次,邀請嘉賓小儀圍爐講兩性關係。蝦頭節目上笑言自己個胸大過Shiga,小儀就大爆蝦頭戀愛史,Shiga不介意忘年戀,接受另一半大自己廿年。三人更會分享性幻想對。

三個女人一個墟,坐埋講兩性關係,先談忘年戀。Shiga講自己接受到另一半大過自己20年,小儀笑說可能要去醫院拍拖。

蝦頭就覺得18、19歲時,想有個年紀大十年的人照顧;人愈大,反而調轉,想照顧別人。蝦頭憶起後生男人味同汗味,即時展露心心眼,流晒口水。

Shiga答問題太行要受罰。

講到姊弟戀,小儀稱就算細自己廿年,只要思想搭通,都會有幸福感。蝦頭問小儀在節目常有Mirror及Error 16個靚仔陪住,有否對誰邊個心動?小儀即答:「Edan,他好全面似森美,搞笑又得,認真又得。」另一個心動的就是肥仔,因覺得他份人幾好。

Shiga就問小儀,後生廿年但肥得唔得?小儀笑問Shiga是否不能接受肥仔?Shiga指細個時唔接受肥,成長後反而覺得肥仔會加分,因為靚仔無安全感。

三人談忘年戀。

蝦頭自言細個時好戀父,愛大過自己的男人,十幾年都無問題,現在傾得到就夠了。小儀認同或者因為不同年紀便有不同階段。不過,兩人都恨試王菲式的轟烈戀愛。Shiga坐在旁搭不上嘴,被蝦頭跟小儀笑她一直在春天,不會明白入秋的感覺。

節目尾段玩小遊戲,各自抽一個地獄問題,可答可唔答,但唔答或答得不好要接受大懲罰,Shiga就答得太行要受罰。蝦頭問:圈中忘年戀和姊弟戀的性幻想對象,蝦頭的答案是四哥同AK,因覺得四哥夠壯,好識哄人,應該好好玩;AK就又靚仔又大隻。

最新影片:曾志偉訪問

撰文 : TOPick柴犬出動