【MIRROR成員】姜濤紀錄片重提暈倒事件 叱咤奪獎留困惑:可能我未承受得起

娛樂 16:38 2021/11/20

分享:

姜濤紀錄片《問題》第2集上架。

MIRROR成員姜濤的個人紀錄片《問題》第2集在昨晚(11月19日)上架,影片一開始即播出姜濤在今年9月在尖沙咀出席活動時,突然暈倒的片段。

然後姜濤在片中坦白說:「我知我暈咗,一定會有一大班人講我公司唔好、講花姐唔好,其實唔關事。」接著播出他在《叱咤樂壇》奪最喜愛男歌手獎的片段,姜濤續稱:「總之呢半年,由叱咤完咗,我個人就開始有啲奇怪。」

最新影片推介:Anson Lo+Heidi+Alina專訪

姜濤坦言壓力大

接著紀錄片播出姜濤出席公開活動的片段,場上有大批粉絲撐場。姜濤剖說:「出道愈耐就…… 見到大家就更加大。其實呢啲活動,我出道時好開心,因為可以見到fans,我應承過大家,希望見到大家嘅時間係開心。見到大家嘅期待,我就壓力更加大,可能我未承受得起。」

同時,姜濤無奈地稱:「越嚟越多嘅報道都唔關我事嘅,但唔知點解要報道我。」說後更不禁嘆一口氣,再續稱:「「呢8月個一直喺心入面抗爭,一時好似好返啲,一時好似唔得。」

    點擊圖片放大
    +4
    +3

無奈被外間誤會

在今集的紀錄片中,還有姜濤與MIRROR成員齊出席活動時,在後台互相開玩笑的片段,他說:「雖然我話我當初入呢行嘅目標係為咗識朋友,但而家我覺得,自己唔係一個咁易識到朋友嘅人。或者話,我而家要決定同一班新嘅人去認識佢做朋友,我要說服自己百分之百信任呢個人。」

一向予人活潑開朗印象的姜濤,在片中問拍片人對自己有何感覺,對方回答指姜濤平時也很認真,不是時常嬉皮笑臉。

姜濤聽後也無奈稱:「我覺得好困惑,即係你平時嘅image係咁樣嘅時候,大家對我就有個好主觀嘅印象,所以我惟有喺自己作品入面…」然後有說明答案。

影片臨完結,播姜濤出席活動演出時的影片,字幕並打出:「答案也許未知,但知道的是,『你不是獨自面對的』。」同時片中訪問幾位姜糖,她們異口同聲表示無論何都會支持偶像,十分窩心。

撰文 : TOPick柴犬出動