【娛圈有喜】蔡穎恩結婚新郎感動哽咽  大肚陳嘉寶祝福姊妹不停生B

娛樂 12:55 2021/11/29

分享:

分享:

蔡穎恩昨日結婚。

模特兒兼藝人蔡穎恩Evelyn與攝影師譚運佳昨日(11月28日)在雙方父母和親友見證下註冊成為合法夫婦,結束8年愛情長跑,攜手步入幸福新生活。好友陳嘉寶(Anjaylia)見証儀式,表示好感動,她對Evelyn笑言:「歡迎加入人妻俱樂部!」腹大便便的Anjaylia捉住Evelyn的手摸自己的肚皮,祝福她不停生B。

婚禮昨日於金鐘的酒店戶外花園舉行,雙方家長和親友約50人出席,Anjaylia囡囡擔任小花女,活潑可愛。穿上白色婚紗的Evelyn由爸爸陪同進場,一對新人互相宣讀誓詞及交換BVLGARI結婚戒指,Evelyn全程笑得甜絲絲,老公卻一度感動哽咽,非常感性。

而在親友熱情的掌聲和歡呼聲下,他們三度深情親吻,恩愛甜蜜。Evelyn大讚老公好靚仔:「我好驚喜佢今日呢個Look,平時好少Gel起晒啲頭髮,今日真係好有型,我唔會再畀佢Gel起啲頭髮,咁靚仔,畀其他女仔見到點算呀?!」氹得老公笑逐顏開。

    點擊圖片放大
    +5
    +4

接受訪問時,新郎透露籌備婚禮期間離港工作超過8個月,只可越洋籌備,Evelyn說:「大部份時間由我張羅,他負責落決定。好開心,我們都是幸運的人,有好多專業朋友、公司同事、同學和家人幫忙,及有品牌贊助,好多謝大家咁愛錫我們。」新郎說:「籌備過程輕鬆,我們追求簡單和自然。」

【星級媽咪】陳嘉寶陀B持續運動做弗爆媽咪 為人母後自覺戲路更廣:人生觀豐盛了

生B順其自然

被問生B計劃,新郎說都是追求自然:「我們都好鍾意小朋友,一切順其自然。」提到婚禮上哽咽,他說:「平時好少對屋企人講深情說話,感覺特別大。」Evelyn說:「反差有點大,平時都係新娘喊,估不到今日調轉。」

而Anjaylia追問Evelyn成為譚太心情,Evelyn說:「今日個個都嚟問我『緊唔緊張?』我完全冇緊張感覺,因為太多事要處理,無時間緊張。」

最新影片:炎明熹訪問

對於老公感性哽咽,她說:「午餐時我們對屋企人講了一些深情說話,他就喊,連佢好熟的朋友都話估唔到。其實我好少見他喊,即是睇好傷感或煽情電影,都好少喊,今日見到這一面,重新認識他。」陳嘉寶笑說:「最有趣是我結婚自己冇喊但你喊,今日你結婚你冇喊但我喊。」

Evelyn透露婚後只休息一天:「大家都好錫我,希望我放一日假才開工,工作一直排到明年。今日個個都叫我年生貴子,唔知有無時間生BB。」

    點擊圖片放大
    +5
    +4

Anjaylia立即捉住她的手摸自己肚皮,笑說:「即刻過啲畀你!」Evelyn笑說:「可以,我可以帶你大女返屋企。」Anjaylia祝福她:「期待你除咗幕前工作,仲要攝時間不停生B啦!」

說到過兩招教新鮮人妻,Anjaylia說:「我識她時已經好賢淑,會煮好多嘢食和持家有道。」Evelyn讚Anjaylia婚前只懂造一款最簡單的甜品,婚後竟變成大廚,經常為囡囡親手造麵包和曲奇,進步神速。
 

撰文 : TOPick柴犬出動