【假冒女團】李靜儀粉絲包場睇戲撐偶像 Heidi大受感動眼濕濕

娛樂 16:25 2021/11/29

分享:

李靜儀新作《假冒女團》正在上映,粉絲包場撐偶像。

李靜儀(Heidi)與MIRROR成員「教主」Anson Lo(盧瀚霆)、李炘頤(Alina)、蘇皓兒(Chloe)和新人陳紫萱主演的電影《假冒女團》近日上映,日前Heidi的一班粉絲特地於北角某戲院包場齊撐偶像, Heidi亦抽空現身答謝粉絲。

因為疫情,Heidi已有兩年多未有跟粉絲近距離接觸,不過這次並非她首次與粉絲一起包場睇戲︰「以前拍《微交少女》,試過一齊睇戲,不過已經係好耐之前嘅事。」

她無奈說:「成日都想同粉絲有聚會,好似之前打算同Aka (趙慧珊)一齊同粉絲搞生日會,都因為疫惰取消咗,好開心今次可以同粉絲一齊睇戲。」

Heidi感動流淚

今次粉絲包場外,還製作一系列「應援紀念品」,Heidi大讚很有心思:「佢哋好有心,初時我以為只係包咗一間,原來係兩間,仲有粉絲因為痛位嚟唔到一齊睇,覺得好唔好意思。」

提到今次與粉絲一齊睇戲,Heidi透露有粉絲即將移民,今次是最後一次見面,得知後直言感到有點不捨︰「聽到後有點唔捨得,好似一個朋友同你講要移民,以後唔會再見,所以好珍惜當晚一齊睇戲嘅時間。」

她又笑言有粉絲穿畢業袍來睇戲,被對方「搞喊」︰「有粉絲著畢業袍搵我影相,覺得好感動,聽到佢話由中學鍾意我到大學畢業,陪伴佢一齊成長,聽到後都眼濕濕,好多謝一粉絲陪住我成展同進行,感謝佢哋一直嘅支持。」

最新影片推介:炎明熹專訪

撰文 : TOPick柴犬出動