【九龍城寨】古天樂回味80年代香港　洪金寶高興可繼續拍香港電影

由鄭保瑞執導，古天樂、洪金寶領軍、任賢齊、林峯、劉俊謙、胡子彤、黃德斌、張文傑及伍允龍等參演的電影《九龍城寨‧圍城》，在今日（11月30日）舉行記招。

電影以80年代的香港九龍城寨為背景，故事講城寨內集結隱世高手，建立自家秩序。一名落難青年陳洛軍誤闖九龍城寨，遇上城寨傳奇人物龍捲風收留。

電影為重塑九龍城寨原貌，斥資巨額重新搭建整個九龍城寨城景，高度還原城寨風貌，讓觀眾親歷其中。

▼點擊圖片放大

+9

+8

古天樂回味80年代

在片中演高手龍捲風的古仔表示當中的道具如雜誌、電視都是80年代：「今次分別搭咗兩個九龍城寨景出嚟，佢哋真係做得好好、好細緻，譬如雜誌、唱片、電視、電視廣告都搵返以前嘅，喺現場都好享受，仲會拎啲雜誌嚟睇，睇返晒以前80年代嘅娛樂圈係點，感覺好唔同。」

古仔並透露在片中與大哥大是敵對，所以有對打戲份。

至於很久未有在香港拍戲的洪金寶開玩笑稱接戲原因：「冇錢啊！最緊要有製作單位肯俾錢啦！」

然後大哥大才正經地說：「係因為香港現在好少機會拍部電影講純香港故事為背景，仲可以繼續拍香港電影，全部都係香港演員。第二就係同大家都係好朋友，佢哋叫我拍就會拍。同古天樂都係好熟嘅朋友，現在可以同香港明星一齊拍戲好難得。」

最新影片推介：炎明熹專訪