【致敬醫護】男子突倒地救護車8分鐘到場急救 曾智華:曾居美加歐從未見過如此高效率

健康 15:31 2021/12/01

分享:

香港的醫療救護效率可謂全球no.1。

香港過去兩年發生N咁多事,社會咁大怨氣,人人講嘢十之八九傾向負面、負能量、猛發洩,彷彿香港已經冧咗咁款。

這種心態,我肥碌當然明,但從無墮入同一思維變怨男。因為任何時候、任何地方、任何人事物,總不會衰晒的。

身處任何境況,我總會看到點點光明面。

呢呢,過去的星期日,又有令人感動的一幕!

每朝,小弟慣性到附近球場急步晨運,朝朝碰口碰面的,大部分皆「熟客」,當然點頭打招呼,氣氛祥和溫馨。

當早八點,正當急步而行,幻想自己是馬匹,過下一隻,過下又一隻(因別人多慢行)時,前面一個200磅壯漢,突然腳軟,跟住仆前,面部變紫青。

如此情況,十之九九心臟病發。

場內職員有經驗,即時打九九九,詳細講明地點及情況。小弟曾住過美加歐多個城市,真係從未見過有如此效率高的救護團隊。緊急中心接Call後,約6分鐘已聽到嗚嗚聲!救護電單車先到,立即急救。

兩分鐘後,又見3位救護員推住流動床飛奔而至,這種服務效率及投入的熱誠,怎可不讚。

壯漢最終如何,未知,望吉人天相!

香港乃全球最長壽的地方,醫護專家老友指出:「碌Sir,講句笑,香港人,唔易死!因任何突發重病,都可在半小時內得到基本搶救,肯定全球No.1!你住過外地就知,若住喺埠邊,由報警到救傷車搵到你再送到急症室……香港,仍有很多福氣我哋享受緊㗎!」

最新影片推介: