【冬日在寂寞】馮允謙+譚旻萱擦出火花 Jay問Mandy有否讚Edan靚仔

娛樂 16:47 2021/12/02

分享:

JayFung邀請「E女郎」譚旻萱(Mandy)任MV女主角

「唱作王子」馮允謙(JayFung)邀請人氣MV女神「E女郎」譚旻萱(Mandy),擔任今年壓軸新歌《冬日寂寞考》MV女主角。鏡頭前JayFung送小禮物又唱情歌氹Mandy開心,鏡頭後卻大翻轉,Mandy不停讚JayFung靚仔,氹得他甜笑騷出腰果眼。

身材高佻的Mandy,令JayFung一度懊惱,因為高度相約,埋位前問Mandy:「你可唔可以唔好著高踭鞋?」笑言埋怨導演找了一位高妹與他拍MV,爽朗的Mandy立即除鞋,非常搞笑。

JayFung新歌《冬日寂寞考》顧名思義在冬季面對寂寞來襲的考驗,MV女主角Mandy是女明星,入住酒店隔離,加上情傷,心情極差,終日借酒消愁,演服務生JayFung為她每日送餐時送上小驚喜,又唱歌又送心意咭氹她開心,冧招百出。

Jay酒店服務生,Mandy飾演大明星入住酒店隔離。

JayFung笑說:「我在MV飾演酒店Bellboy(服務生),Mandy飾演大明星入住酒店隔離,因為失戀成日飲酒,我睇唔過眼佢飲的酒太渣,所以請佢飲靚嘢!」

得知Mandy喜歡打籃球後,JayFung立即邀她切磋球技,還建議拍成節目。雖然未落場打波,二人已見默契,拍攝十幾小時後已凌晨,除了靠熱咖啡提神,就算不用埋位都在旁為對方打氣。

鏡頭後Mandy落力在旁講笑話和狂讚JayFung靚仔。

Mandy的角色被隔離,主要在房內拍攝,而JayFung在房外,大部份時間沒有對手戲,鏡頭後Mandy落力在旁講笑話和狂讚JayFung靚仔,讓他保持開朗狀態。同樣當Mandy埋位時,JayFung在旁聲演對白幫她入戲。

JayFung坦言:「Mandy第一次讚靚仔時我信,但講多幾次就有啲懷疑。」他笑問Mandy:「你同Edan(呂爵安)拍MV時係咪都有讚佢靚仔?」Mandy大笑解釋:「我有望住他講,但我唔敢望住你講,因為我對住你真的怕醜。」讓JayFung哭笑不得。

最新影片:炎明熹訪問

撰文 : TOPick柴犬出動