【喜歡妳是妳】楊潮凱成功當導演感觸落淚 感謝親人一直支持追夢

娛樂 11:00 2021/12/06

分享:

楊潮凱接受《StarTalk》主播許文軒訪問

日前楊潮凱作客TVB娛樂新聞台節目《StarTalk》,接受主播許文軒(Edmond)專訪,大談首次執導電影《喜歡妳是妳》的感受。

潮凱稱,與另一導演兼同學吳詠珊拍青春片原因是看過《那些年 我們一起追的女孩》後甚有感受:「世界各地都有青春片,點解好似香港冇,而且2003年係好值得我哋香港人記住嘅一年,正正嗰年SARS我好記得自己戴住口罩去會考,所以作為我第一套戲,我好想記錄呢個時段。」

《喜歡妳是妳》獲電影節垂青連環奪獎 導演演員感安慰繼續謝票答謝支持

《喜歡妳是妳》

堅持選用新演員

楊潮凱亦分享新演員原因:「成日都聽到啲人話電影界青黃不接,我心裏面好唔憤氣,你哋都唔畀機會新人,佢哋梗係做唔到獨當一面,呢樣嘢擺喺我個心好耐,所以開拍之前我話一定要用新人,所以搞咗個Open Casting。」

他表示,面試見了200多人:「首先定咗楊偲泳,但一直未搵到另外一位演員,談善言唔係頭兩轉Casting,之後聽返佢講佢係透過《點五步》監製自薦嚟Casting,見到佢獨特嘅性格後就決定用佢。」

最新影片推介:《全民造星IV》熱門人馬專訪

楊潮凱不禁落淚

影片由籌備到成功排期上映,前後共到花6年時間。終於成為電影導演的楊潮凱不禁感觸落淚:「多謝屋企人,有訓練班開始到拍第一套電影,真係好難行,佢哋好支持,爸爸媽媽好擔心我嘅生活問題,我又未必畀到好好嘅生活佢哋,我覺得自己虧欠咗佢哋,好開心首映睇完之後,佢哋話好自豪有我呢個仔!」

潮凱亦感激太太一直在身邊:「識咗太太好耐,成個過程佢都見住,睇住我拍戲時候承受嘅痛苦。能夠得到團隊、家人同觀眾嘅支持同認同,好感觸。」

撰文 : TOPick柴犬出動