林奕匡改脾氣多遷就太太 Phil婚後更了解夫妻之道

娛樂 14:26 2021/12/07

分享:

林奕匡談新碟訪問。

早前推出全新EP《PHILOSOPHY》的林奕匡(Phil),日前接受《Star Talk》主播許文軒專訪,大談新碟感受。在剛過去的週末週日,Phil亦走勻全港近30間唱片店,送出易養長青的多肉植物小盆栽,寓意與各唱片店共同努力,在艱難的環境下繼續努力支持音樂事業。

Phil在節目說:「今次主題講哲學,希望大家可以思考,特別疫情期間,大家有好多唔開心、迷惘,透過這唱片可以給到一些角度和睇法,究竟自己想點。我都因為討論這唱片概念,有好多體會,例如人與人之間相處之道,不論感情、朋友、家人定工作夥伴,是人生最難的哲學。」

談到Phil性格好勝,他說:「我太太教我好多,以前我好勝,我們玩Board Game,好多時我都不擇手段要贏,輸咗又不忿氣,她說我搞到氣氛大跌,現在我改了好多。」

Phil走勻全港唱片店,送出易養長青的多肉植物小盆栽。

Phil又說:「人大了會成熟,睇定啲!兩公婆一凹一凸是好事,現在會遷就太太,像我永遠都會交給她選食甚麼,但每次她都諗唔到,唯有我揀,但她又話唔想食那些,所以有時都要取捨,唔好乜都冇所謂,要識得俾意見!」

近年Phil嘗試做歌曲監製,他説:「監製定義有好多,作為一個全面監製,我自己仍未稱職,最近有幫歌手朋友做監製,是時候要成長。今年亦好開心寫多了歌給人,如果自己抽到時間會入錄音室一齊幫手,想令到首歌更加好聽,同時跟歌手會有更多Bonding,我覺得從音樂接觸去交朋友,是最舒服。」

最新影片:《全民造星IV》大熱訪問

撰文 : TOPick柴犬出動