陳凱詠跟馮允謙交換技能 Jace唱《CIAO》眼泛淚光難捨完場

娛樂 18:00 2021/12/13

分享:

分享:

Jace展熱舞。

Jace陳凱詠一連兩晚在九展Star Hall舉行首個個人售票演唱會《UNBORDERED 演唱會》,尾場Jace身穿火紅色皮褸Rocker形象登場,獻唱《天生二品》揭開序幕,全場站立歡呼尖叫聲不絕,毋須熱身已進入狀態。

Jace接連唱出Avril Lavigne的《Sk8ter Boi》及Olivia Rodrigo的《good 4 u》。Jace興奮說:「大家好!反應好過噚晚喎!你哋有幾大聲我就有幾落力!」

Jace接連唱出Avril Lavigne的《Sk8ter Boi》及Olivia Rodrigo的《good 4 u》。

然後邀請Serrini出場合唱《相對濕度》。她們一人一句放笑彈:「好難請到你做嘉賓呀!」「我兩日都嚟咗喎,係咪好畀面先!你轉頭換衫記得啪實啲鈕呀!」延續剛才舞曲歡樂的氣氛,Serrini以充滿感染力的聲線為大家送上《~旋轉 with me*》。

Jace再次出場,送上武術花劍揉合舞蹈的表演,剛柔並重將大家帶到《虛擬人與我》及《Cold》的情緒中,台下浸沒在一片手機燈海之中。

大騷身材。

Mike曾比特出場與Jace合唱《想正常》及《自以為》,Mike因經常稱呼Jace「師姐」而要跳返part舞贖罪,輕快節奏令台上台下載歌載舞,然後Mike再送上《我不如》。Jace緊接唱出《沒有無緣無故的恨》,再與大家分享自己能夠成為歌手要多謝爸爸媽媽。

她說:「雖然我染晒金毛但其實我好傳統,因佢哋支持我先可以自由不羈天生二品。其實我媽咪都好鍾意唱歌,細個已經會賣口乖話『我係遺傳自我媽咪先唱歌咁好聽』!」然後唱出媽咪飲歌《Hopelessly Devoted to you》兼送飛吻。

Jay Fung任嘉賓。

尾場壓軸嘉賓Jay Fung馮允謙出場與Jace合唱《How Many Times》及《隔離》,Jay Fung透露有一天腦海突然響起Jace的聲音,所以靈感到為她寫歌,而Jace則教他跳舞交換,Jay Fung唱出《思念即地獄》。

 演唱會尾聲,Jace眼泛淚光唱出《Ciao》。Jace感性說:「呢兩晚嘅時間真係過得好快」然後唱出《I Wish》,encore環節唱出《想突然》及《隔離》為演唱會劃上圓滿句號。騷後訪問Jace表示真的感激家人一直支持,這段時間要很用腦力,所以食量增加,不過吃得清淡所以一樣能保持狀態。

最新影片推介:林希靈專訪

撰文 : TOPick柴犬出動