薛家燕《食神》味公主造型拍廣告 乖孫到場探班超可愛

娛樂 14:42 2021/12/14

分享:

分享:

薛家燕連任禮籃廣告代言人,早前家燕姐為新廣告拍攝,更有神秘嘉賓現身贈興,就是家燕姐孫仔(Julian)。

家燕姐高興地稱:「新抱帶佢嚟探班,今年又係我個仔(Jackson)幫手拍攝,我一見到孫仔就問佢:『要唔要同我唱《皆大歡喜》呀?』佢就嘻嘻嘻。」

家燕姐愛熱鬧

家燕姐與Julian玩了一會之後,她都想帶孫仔入埋鏡:「當然個仔話:『唔好啦!』(事前知唔知孫仔嚟探班?)我唔知㗎!幾好呀,拍攝好順利呀!個孫都帶旺我㗎!今次我會以《食神》味公主造型現身。」

鍾意熱鬧的家燕姐,往年開年、做節都會一家人食飯慶祝,盤菜更是必備:「盤菜我哋一定食嘅,第一好方便,第二一齊食嘢好熱鬧,今年新年都準備食盤菜,咁撈起更加要啦!」

最新影片推介:林希靈專訪

撰文 : TOPick柴犬出動