【目無尊長】嫌餸菜油膩港女沖水後才吃 男友媽媽怒斥:以後唔好上嚟食飯

親子 16:03 2021/12/23

分享:

分享:

有港女嫌餸菜油膩沖水後才吃,令男友媽媽怒不可遏。

有減肥的人會將餸菜「過水」以去除多餘油脂,但這樣做也要看看場合。有港女抱怨上男友家吃飯時,因餸菜太油膩所以將它們沖水後才吃,卻被男友媽媽怒斥,著她「以後唔好上嚟食飯」。港女不滿「點解上咗年紀嘅人咁唔體諒人?」,有網民認為她不懂得尊重長輩。

一名港女在「香港討論區」以「我都係想食飯食得清淡啲,但佢阿媽叫我以後唔好上嚟食飯」為題發文,表示自己正在減肥,所以最近一個月吃得比較清淡、少鹽少油,並已成功減磅。

最新影片:

嫌伯母煮的餸菜油膩 逐件餸沖水後才吃

日前事主上男友家吃飯,她表示自己並不是第一次見家長,與男友媽媽「都算有兩句」。

但佢阿媽嗰日煮咗好多肥膩嘢,包括鳳爪排骨啦,炸子雞,燒肉,煎魚,連啲菜睇落去都好多油。

事主指由於不好意思一口也不吃,遂叫男友給她一碗水,將餸菜沖水後再吃,而雞和燒肉都不吃皮。不過這引起男友媽媽的不滿,問事主為何要這樣做,

我答佢因為我最近減肥想食清淡啲,點知佢阿媽就問我點解唔早啲出聲,仲話我咁樣好大嘥唔食皮,拎啲嘢食去過水好似話緊佢煮嘢唔好食咁。

伯母怒不可遏

男友見狀立即安慰媽媽,但仍未能平息伯母的怒火,更質問事主此舉是否暗示她作為媽媽卻不懂得照顧家人的飲食,怒斥「我哋啲老嘢煮嘢係咁豐富啦,如果咁難為你,你以後咪唔好勉強上嚟食啦!去返啲西餐食沙律啦!」

事主對此感到不忿,男友著她之後「買返盒嘢去氹返佢老人家就無事」,但事主表示不想這樣做。

痴線,勁小事囉,都唔知佢阿媽做咩跳制(掣)。我家陣又唔係唔食你啲野,使唔使咁大反應呀!我喺屋企咁樣做我爸媽都冇出聲啦。

網民:仲唔知自己問題喺邊

帖文一出引起網民熱烈回應,紛紛斥事主沒禮貌,不懂得尊重別人,「抵鬧」、「唔食肥膩嘢早啲講,又不是初次食飯,唔識尊重人定是溝通有問題。」、「尊重都未識仲要自覺冇問題」。

    點擊圖片放大
    +8
    +7

有網民認為只是吃「一餐半餐」,因此無必要這樣做,「間唔中食一次唔使死嘅」、「食少少唔會即刻反彈十磅呀?」。有人建議事主可多吃菜少吃肉,「之後話自己比較鍾意食菜,還要施慢食,食到半飽不餓就停」、「食完之後,做吓運動咪得囉」。

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳