鄧麗欣與陳輝陽相隔14年再度合作 Stephy主唱《12日》主題曲《何日不再來》

娛樂 14:59 2021/12/24

分享:

分享:

鄧麗欣主唱電影《12日》主題曲《何日不再來》。

由林愛華執導的電影《12日》,是她20年前導演的經典電影《12夜》的概念延續,用12日道出10年夫妻關係,影片將在明年2月17日上映。

既然是概念延續,女主角鄧麗欣(Stephy)主唱的《12日》主題曲便是由《黑夜不再來》的幕後主腦陳輝陽再次操刀,為電影譜製歌曲《何日不再來》。

以《何日不再來》作為歌名,Stephy表示這是製作團隊之間的共識:「大家都知道成件事係概念延續,所以填詞以至整個製作團隊都覺得歌名都應該有返呢種感覺,好似延續版咁,呢個想法好好玩,好啱主題。」

最新影片推介:《全民造星IV》Ash專訪

歌詞內容上,則道出了女主角Jeannie的內心世界:「呢首歌係好無奈,嗰種無奈係好想講出嚟,但又唔敢講、唔想講,就好似女主角咁,同男主角之間嘅關係,喺度爭持、角力,但同時間內心又好矛盾嘅心情,喺《何日不再來》唱返俾大家聽。」

Stephy表示自己向來很期待唱電影主題曲,因為與平時演繹流行曲的感覺很不同:「拍完《12日》好有畫面,唱主題曲嘅過程就好似俾我重新再演一次,係另一種好玩,同唱流行曲好唔一樣。」

Stephy與陳輝陽曾多次合作。

她過去曾數度與陳輝陽合作,最為人熟悉的是《他不准我哭》,二人相隔14年再次合作,她表示十分期待:「一直好期待佢嘅曲,收到後完全冇失望,正!一來好啱套戲,二來令我好感動,所以好開心可以撮合到同佢再度合作,出嚟所有嘢都好滿意。」

再度合作,Stephy坦言陳輝陽與過去一樣嚴謹,但指導上跟過去卻有不同:「因為係電影主題曲,輝陽會對我嘅唱法,以至點樣透過歌曲營造畫面等等嘅要求都多好多,不過我同佢同一個星座,所以比較明白佢,用咗唔係好長時間就錄起首歌。」

撰文 : TOPick柴犬出動