【張敬軒演唱會】Tyson Yoshi被觀眾叫除衫 泳兒被軒仔鼓勵感觸

娛樂 17:30 2021/12/27

分享:

分享:

泳兒上台即感觸落淚。

張敬軒演唱會來到第四晚boxing day拆禮物大日子,軒仔再派大禮,請來Tyson yoshi 及泳兒任嘉賓。

Tyson帶大形玩具槍上台,一上來就向軒仔發射,十分頑皮。軒仔搶槍想報仇,但因為不識開槍最終失敗。

軒仔又細心拿出Tyson最近半裸爆肌出代言的冰涼水,飲一啖笑道幾好味,Tyson笑到不識反應, 軒仔又話: 「為了你我特登去買這牌子水飲下,我在香港未見過有個裸男賣廣告。」 

Tyson上台同軒仔鬥玩。

觀眾起哄叫Tyson除衫,Tyson就跑過去拉軒仔外套上面的打結,「你似拆禮物多d 喎....」又叫大家不要信飲他枝水是不會豐胸,非常搞笑。

Tyson不停狂讚軒仔首《孤單公園》十分勁,「我以前諗,如果要做廣東歌,一定係《孤單公園》,當我知這首歌你有份編曲時,我簡直對你尊敬直線上升!」軒仔笑答多謝說:「咁我交個台比你啦,前個幾晚你個正印來,今晚輪到你施盡混身解數!」Tyson向觀眾揮手,「你好,我係Tyson yoshi!今晚o既廁所位!有人話我正印係林家謙, 個晚我諗,我上台唱咩好,我女朋友即冷笑一聲,咁我唯有唱《christy》 啦。」。

鼓勵師妹。

壓軸安歌後,軒仔請來泳兒出場,與他合唱極少公開場合演唱過的《 石徑》。

軒仔謂既然聖誕節最後一晚,想唱一首未唱過的歌,但一個人搞唔掂,想搵泳兒來幫忙:「我同佢好有緣,2005 年舊唱片公司人事變動,我被投閒致散,宣傳錄音又少,冇收入,恩人周國豐,叫我去做港台節目,一份工做DJ,一份 Tvb 8 頻道做 VJ報娛樂新聞, 係港台返工張一日,就收到呢位歌手第一隻派台碟 《感應》!」

Vincy上台後,已經開始眼濕濕,「多謝你,台下面聽你講,我已經好感觸, 我第一隻派台碟係你手,我冇乜人識,第一個小小演唱會,你都願意來幫我做嘉賓....」隨即已經熱淚盈眶,軒仔幫忙Vincy 擦眼淚之餘,再鼓勵她,「每個人也是由一張白紙開始,只要肯努力,聽眾耳朵係雪亮!你一定會有好成績!」

最新影片:姚子羚訪問

撰文 : TOPick柴犬出動