【稚子無辜】港媽與丈夫爭吵後感不忿 疑將8月大哮喘B仔掉落垃圾桶

親子 13:06 2021/12/28

分享:

分享:

有港媽聲稱將兒子掉進垃圾桶。

父母無論因何事爭吵,都不應拿孩子當「出氣袋」。近日一名港媽在WhatsApp媽媽群組中分享,稱與丈夫爭吵後感不忿,一怒之下將8個月大兒子掉進村內垃圾桶。言論引來其他媽媽狠批,然而港媽愛理不理,更稱「我鍾意點對我個仔,關你咩事?」,令人感心寒。

港媽聲稱將B仔掉落垃圾桶

近日有網民在Facebook群組「巴打絲打『13親子育兒』Facebook Club」上載多張WhatsApp對話截圖,一名港媽聲稱與丈夫爭吵後,將8個月大兒子掉出屋外垃圾桶,並指自此丈夫「唔敢唔幫手湊」。據網民所指,港媽曾在群組提及兒子患哮喘,多次入住公立醫院也未痊癒,向丈夫提出到私家醫院治療卻遭反對,便將BB掉進垃圾桶,試圖威嚇丈夫。

此番言論一出,引來群組內其他媽媽狠批,「8個月大嘅小朋友你咁都落到手?」、「掉個仔落垃圾桶,仲可以理直氣壯」、「你唔識自己帶個仔去醫院?睇嚟你都係腦殘先可以做到咁嘅行為」。然而該名港媽愛理不理,反問「我鍾意點對我個仔,關你咩事?」,令一眾媽媽嬲爆。

最新影片:

遭網民狠批

有媽媽質疑BB的安全,事主則回覆指自己「睇住咗」,稱村內的垃圾桶有閉路電視,又認為此舉沒有問題,「你細個曳媽媽咪又係掉你出門口」。

對話截圖遭放上Facebook育兒群組後,引來大批網民圍插,不少網民稱「生仔真係要考牌」,「係咪癲㗎?而家咁嘅天氣,點可以對自己親生骨肉咁樣?」、「可以報警㗎喎!」、「嗰啲垃圾桶好多菌好污糟,BB咁細個唔病都變病」;有網民則懷疑港媽患產後抑鬱,「如果有病我建議佢睇醫生,唔好害咗個小朋友」。

    點擊圖片放大
    +5
    +4

TOPick推出「Band1學堂」,更多教育升學資訊︰https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳