【萬千星輝頒獎禮】41位候選人靚裝影場刊 姜麗文叫三飛坦言想攞獎【多圖】

娛樂 16:23 2021/12/30

分享:

分享:

萬千星輝頒獎禮各大候選人首拍場刊。

無綫年度盛事《萬千星輝頒獎典禮2021》將於本周日(1月2日)晚舉行。今年頒獎禮加入不少新元素,除了提前選出五強名單、在頒獎禮當日新增由現場傳媒投票選出的「最佳衣著藝人」。另外,今年亦會首推頒獎禮場刊,一眾五強候選人早前更齊齊著靚靚為頒獎禮拍攝場刊。

現身拍攝場刊的藝人包括(排名不分先後)陳展鵬、譚俊彥、馬國明、張振朗、李佳芯、林夏薇、黃智雯、鍾嘉欣、姚子羚、周嘉洛、陸永、胡鴻鈞、滕麗名、姜麗文、張頴康、泰臣、朱敏瀚、羅子溢、黃子恆。

    點擊圖片放大
    +6
    +5

另有陳自瑤、麥美恩、劉佩玥、何依婷、鄭子誠、周奕瑋、林溥來(Patrick Sir)、李思捷、森美、朱凱婷、梁芷珮、吳幸美、譚玉瑛、林正峰、羅天宇、馬貫東、丁子朗、黃庭鋒、陳瀅、王灝兒JW、王敏奕及游嘉欣。

互選心水得獎名單

眾人分別接受了無綫娛樂新聞台及《東張西望》專訪,大談賽前感受及心水得獎人。當中鍾嘉欣及梁芷珮更是完成隔離不久便趕來拍攝場刊;至於因工作關係未能抽空現身拍攝場刊的鄭嘉穎及陳貝兒,則由大會另作安排。

    點擊圖片放大
    +5
    +4

今年一眾視帝候選人均十分謙虛及禮讓,馬國明及鄭嘉穎異口同聲點名睇好譚俊彥,譚俊彥坦言感恩,並笑謂:「我要多謝兩位師兄咁客氣,尤其馬明,佢曾經同我講過好多好鼓勵我嘅說話,多謝你哋,亦都承你哋貴言呀。」

另一同樣獲得很多人支持的還有張振朗,入圍最受歡迎電視男角色、飛躍進步男藝員及最受歡迎電視歌曲的胡鴻鈞,便看好振朗和鍾嘉欣:「視后我睇好鍾嘉欣,我唔想好似佢fans咁,但我真心希望她有好成績;男主角我就希望張振朗,他每套劇每個角色真係用盡能力去演,我覺得佢值得嘉許。」

【萬千星輝頒獎禮】鍾嘉欣大熱角逐最佳女主角 王敏奕挑戰視后李佳芯惠英紅【附入圍名單】

最新影片:姚子羚訪問

陳展鵬則搞笑順勢宣傳將於下年1月10日晚9點半播出的新劇《鐵拳英雄》:「唔知係咪我依家有咗小朋友,咁可以叫我鐵拳爸爸,哈哈,嘩!幾犀利呀。」

視后方面各候選人同樣惺惺相惜,姚子羚謂:「另外四位自己都好喜歡同欣賞,四個都係好努力、好優秀,我覺得邊個攞獎都會好開心。」

    點擊圖片放大
    +5
    +4

林夏薇則笑言要努力準備當晚戰衣:「因為拍緊劇,我未有好多時間,希望出到嚟係端莊又靚。」

【萬千星輝頒獎禮】張振朗首度打入視帝最後5強 譚俊彥鍾嘉欣成視帝視后大熱

姜麗文三項提名

女子組方面,姜麗文今年可謂交出亮麗成績單,先後入圍「最受歡迎電視女角色」、「最佳女配角」以及「飛躍進步女藝員」五強;姜麗文坦言嚇親:「好驚喜、好感恩、好享受呢刻,因為唔知幾時再會發生呢件事。信心唔敢講,因為事實上其他候選人都好尊重同欣賞,但我當然想攞獎,但唔代表應該攞。」

    點擊圖片放大
    +7
    +6

談到劇集《愛‧回家之開心速遞》入圍多項提名,憑「金城安」一角入圍「最受歡迎電視男角色」的周嘉洛坦言興奮:「我好開心同媽媽(滕麗名憑熊尚善一角入圍最受歡迎電視女角色)一齊入圍,仲要係電視角色獎!」

    點擊圖片放大
    +11
    +10

向來擅長搞笑的陸永,對於入圍最受歡迎電視男角色,竟未打仗先認輸:「我梗係冇(贏嘅機會),點會有呀,一嚟對手強,二嚟個人弱,唔需要對手好強,你自己好弱就已經知道冇。」入圍男配的張頴康,笑指原本打算問劇組借戰衣了事:「我有問過劇組我有套結婚嘅禮服可否借來出席頒獎禮,但我返去同我太太講時,佢叫我唔好。」

撰文 : TOPick柴犬出動