【張敬軒演唱會】與MC $oHo & KidNey唱《倒轉地球》 七仙羽贈言軒仔:一路向西

娛樂 15:42 2022/01/01

分享:

分享:

張敬軒演唱會邀MC $oHo & KidNey、吳家忻(Kayan9896)及七仙羽任嘉賓。

張敬軒在紅館舉行的《The next20》演唱會在昨晚(12月31日)與觀眾一同在除夕大倒數,軒仔更請來MC $oHo & KidNey、吳家忻(Kayan9896)及七仙羽任嘉賓,笑聲叫聲核爆整個紅館,軒仔安歌兩次,觀眾仍不願離場,最後第三度安哥,軒仔再上台多一首歌,觀眾才依依不捨離去。

昨晚來到嘉賓環節,軒仔同觀眾講:「2021來到最後一日,無論今年發生所有唔好嘅,唔順利嘅嘢,我決定用呢首歌送走佢 !」然後音樂響起,大家即已知道是《係咁先啦》,MC $oHo & KidNey、Kayan9896亦升上來,全場觀眾企起身大合唱。

【張敬軒演唱會】自爆初戀情人似梁詠琪 Gigi揭軒仔低調助朋友病父經歷

    點擊圖片放大
    +8
    +7

唱《倒轉地球》倒數

之後,MC $oHo & KidNey、Kayan9896接著又唱了《Black Mirror》。接下來進入倒數時間,蘇致豪及許賢、吳家忻再台上與軒仔及觀眾齊倒數,並全場大合唱《倒轉地球》,氣氛hit爆。

倒數後再有驚喜,軒仔請另一位嘉賓七師傅出場,場內馬上「核爆式」歡呼尖叫,嘈到軒仔說話大家也聽不到,他要叫大家靜一靜,然後軒仔笑住說:「大家見到我未婚妻咁開心...」七師傅即刻回話:「吓!我哋乜都未做過喎,咪好唔抵....囉。」笑到全場肚痛。

然後軒仔回應: 「你又講得啱,但係我好保守,有啲嘢,我要結咗婚先做....你今日綵排叫我咩話?你記唔記得?」七師傅答 : 「老公....唔係....軒公」又引來觀眾狂叫狂笑。

軒仔亦笑稱:「今日聽到呢個字,個心離一離,新年流流...」此時七師傅拖住軒仔手問:「你隻手咁凍,你係咪嚇親?做足18場,日日咁唱真係好辛苦...」軒仔就好識做話:「你帶溫暖比我咪得囉。你有咩祕方教我補下身?」七師傅竟回答:「下一世唔好做歌星啦,太辛苦啦!做國皇算啦你。」

然後軒仔笑著反問:「吓?國皇後宮佳麗三千,我個腎點搞?」七師傅淡定回答:「你剩係獨愛一個人咪得囉。」笑到大家標眼淚。

最新影片推介:姚子羚專訪

合唱《月亮代表我的心》

任演唱會嘉賓,七師傅當然要唱歌,為表達對軒公的愛,七師傅選《月亮代表我的心》與軒仔合唱。唱畢,觀眾大叫軒仔「嘴佢!」

可是他最初聽不清楚,反問觀眾:「咩話?娶佢?哦...嘴佢....」此時七師傅搶答:「我OK㗎!」又再令觀眾核爆式起哄,軒仔更是笑到說不出話來。

當冷靜下來,他用疫情來推卻,料不到七師傅話:「但係你聽下佢地啲聲!」全場觀眾即刻拆台一樣大叫揼地,軒仔盛情難卻,師傅再來多句:「你錫邊度都得!」即引來十級半地震,軒仔唯有吻師傅面頰一啖,師傅隨即問:「駛唔駛回禮㗎?」肉隨砧板上軒仔只好企定定任嘴。

親熱過後,師傅搞笑辯護:「柴J粉絲唔好嬲我,佢係屬於大家㗎。我都係搞下氣氛啫。」觀眾即歡呼聲又四起。

    點擊圖片放大
    +4
    +3

叫軒仔一路向西

最後軒仔揚言今年得到七師傅嘴唇加持,一定好運過人,不如請師傅再加指點咩方位適合他,七師傅回答: 「我計過你條命啦,西面最適合你,你一路向西啦!成個紅館都係西面,我畀個錦囊你,你帶睡袋行李搬來紅館住啦。」

師傅又突然叫人拿出一個垃圾膠袋,話要送禮物給軒仔:「本來想送層樓畀你,但係我又驚爆緋聞,啲人話我包養你,所以我用好長時間,自己親手做份禮物比你,個垃圾袋係因為出來太趕啫。」接著由垃圾袋中拿出一個能量塔:「可以帶畀柴J,柴西你,日日咁開心!」

撰文 : TOPick柴犬出動