【鵲巢鳩佔】家姐回娘家密謀媽咪幫手湊BB 迫妹妹做廳長要求搬走睡房變BB房

親子 18:10 2022/01/05

分享:

分享:

家姐回娘家迫妹妹做廳長,得寸進尺更要求妹妹搬走,睡房變BB房。

鵲巢鳩佔事件發生?有名港女在網絡討論區大呻,家姐因為家中裝修帶同丈夫回娘家暫住,她被迫做廳長2個月,怎知姊姊得寸進尺,虎視眈眈要將妹妹的睡房改為BB房,迫妹妹搬走。事主估計姐姐希望生BB之後,將BB交予媽媽長期照顧,工人錢也可以省卻。

妹妹做廳長2個月

該女網民於3日(周一)在「香港討論區」發帖,標題為「家姐問我可唔可以搬走,咁我間房就可以拎嚟做BB房」,事主現時跟爸媽同住,小時候她跟姐姐共用一間房,姐姐嫁了之後搬出,近期家姐屋企裝修跟姐夫回娘家暫住,妹妹好心讓出房間,可是家姐得寸進尺。

叫我出廳瞓,瞓廳都瞓咗兩個幾月,家姐琴晚突然間同我講,第時佢生完BB之後想叫媽咪幫手湊B,問我可唔可以搬走,讓返間房出嚟畀佢哋用嚟做BB房。

最新影片︰

娘家要有獨立BB房

事主不想搬走,難理解就算媽咪日後幫手湊B,也不用要她搬用房間做BB房,亦不明白為何不讓媽媽到時去家姐住所湊B。她拒絕家姐的要求,可是被姐姐斥罵,

家姐鬧我,係咪想叫佢個B瞓廳?出世之後都坐月,家姐都已經叫咗媽咪去佢度幫手,明明坐月嗰陣都可以叫媽咪去你哋屋企,但係之後又要個B嚟我哋度?

雖然家姐和姐夫之後會搬回去,但一心想BB出世之後會叫長老湊,到時希望BB有間房。事主其實不介意張BB床放在自己房入面,有感「唔使一個B用晒成間房咁多位」。她大呻︰

點解要我搬出去自己住就係為咗讓返間房出嚟做BB房?BB又唔會喺我哋屋企長住,唔通有BB真係大晒咩,所有嘢都要人就佢?

擔憂父母偏心大女

許多網民跟事主一起想對策,事主補充屋主是爸爸,家姐婚後「一蚊都冇畀過」,但是現時搬回娘家「日日好似大帝咁」。雖然父母應未知此事,但她認為父母會偏袒家姐,尤其媽咪一直偏心家姐多些,覺得家姐嫁得不錯,成日叫事主「學吓家姐」,估計爸爸覺得一家人幫到就幫,「真係懷疑自己係咪執返嚟」。

很多網民估計家姐應該盤算霸佔屋,「你家姐擺明當你阿媽係免費保母,佢想你搬走再借啲意搬返去住,間屋再租俾人」、「妳家姐好識玩,自己同老公日後出邊一間屋過2人世界,個BB就留在爸媽個度免費照顧」,事主認同網民的說法,「我都覺得佢哋係咁樣打算,連工人錢都慳埋。」

更多網民留言

點擊圖片放大
+9
+8

TOPick推出「Band1學堂」,更多教育升學資訊:https://bit.ly/3a6HT6T

【hket TV家庭台】《湊得輕鬆啲》逢周日早上10點伴你同行育兒路︰bit.ly/35z6COD

責任編輯:王明芳